Леонардо ди Каприо... конечно!
- Детали
- понеделник, 29 февруари 2016
Долго очекуваниот момент конечно се случи - Леонардо ди Каприо го доби својот прв Оскар за најдобар актер во главна улога.
На 88-то доделување на Оскарите кое се случи на 28-ми февруари 2016-та година, Леонардо ди Каприо ја доби наградата за најдобар актер во главна улога за филмот „The Revenant“.
Презентерката Џулиен Мур, која минатата година освои Оскар за најдобра актерка, долго време чекаше пред да може да му ја подаде статуетката.
По долгиот аплауз, Леонардо ди Каприо им се заблагодари на останатите актери кои беа номинирани за оваа награда, на режисерот и целата екипа која стои зад филмот „The Revenant“, па дури и на режисерот Мартин Скорсезе.
Неговиот говор го заврши со неколку зборови за климатските промени: „Климатските промени се реалност и моментално се случуваат. Претставуваат закана за човекот и мораме колективно да се погрижиме да запрат. Мораме да ги поддржиме светските водачи.“.
Моментот кога Леонардо ди Каприо чека неговото име да биде напишано на статуетката:
Leonardo DiCaprio gets his Oscar engraved at the Governors Ball: "Do you do this every year? I wouldn't know." #Oscars
Posted by Variety on Sunday, February 28, 2016
Тој се заблагодарил на Академијата и на Твитер за освоениот Оскар:
Thank you to the Academy and the incredible cast & crew of #TheRevenant. #Oscars
— Leonardo DiCaprio (@LeoDiCaprio) February 29, 2016
Н. Г. | Црнобело
Би можело да ве интересира:
