Во $100 милионскиот пентхаус на Доналд Трамп

Детали

среда, 16 ноември 2016

Демонстранти ги исполнуваат улиците пред неговиот дом, па Доналд Трамп моментално е принуден да остане во својот пентхаус во Њујорк кој вреди $100 милиони долари.

Претседателот на Америка, Трамп, започна да ги прави своите први планови и да ги извршува своите одговорности од неговиот дом кој е целиот во златни детали, а меѓу другото и вклучува Мрецедес мал автомобил како играчка за неговиот 10-годишен син.

Неговиот дом се наоѓа на Петтата Авенија - место кое моментално е константно исполнето со демонстранти.

Имотот е на 3 ката и целиот е исполнет со скапи мермерни ѕидови, кристални лустери и статуи кои вредат милиони долари, а се инспирирани од грчките богови.

Меѓу деталите од домот, може да се напомени и книгата „GOAT: A Tribute to Muhammad Ali“ која ја има само во 1.000 копии и е лично потпишана од Мухамед Али и Џеф Кунс и чини $15.000 долари.

Над златниот камин има слика од Аполон, синот на Зевс, а под сликата грчки вази во атински стил во совршена симетрија со остатокот од декорот.

Во собата има статуа од Ерос и Психа.

Во дневната соба можете да забележите дека сè е во совршена симетрија, а на секоја од масите има Vogue и Vanity Fair.

Декорот инаку, е дело на дизајнерот Анџело Дониа кој работел за многу славни и познати личности како Ралф Лорен, Барбара Волтерс, Мери Тајлер Мур, Лајза Минели, Нил Сајмон и Дајана Рос.

Доналд има и соба за појадување во која појадува од златни чинии и чаши.

Во канцеларијата на Меланија има кутија за чување накит од Louis Vuitton, репродукција на делото на Реноар, „Ложа“. 

Н. Г. | Црнобело