Спиела на каучот од студио за танц, мајка ѝ добила џек пот во казино: Факти за Џенифер Лопез

Детали

среда, 14 март 2018

Танцот ѝ бил омилената активност и сакала по секоја цена да успее, иако немала комплетна поддршка од мајка си.

Денес Џенифер Лопез е 48-годишна милионерка, пејачка, актерка, танчарка и модна дизајнерка, но порано била само една млада девојка, што потекнува од скромно семејство, но со големи соништа.

За нејзината успешна кариера нема потреба да се говори, но ајде да се потсетиме на нејзините почетоци:

- Лопез никогаш не сакала да оди на колеџ, таа имала сон да работи како танчарка. Нејзината мајка не ја поддржувала многу, па на 18 години Лопез сама се преселила на Менхетен, а понекогаш дури и спиела на каучот во студиото за танц.

 - Иако, нејзината мајка била многу строга со неа, тие се многу блиски. Џеј Ло вели дека таа ѝ всадила во главата дека без напорна работа нема да постигне ништо.

- Лопез смета дека животот во Бронкс во работничко семејство направил да има добра работна етика.

- Само за да ги усреќи родителите се запишала на Baruch колеџот, но по само еден семестар се отпишала.

- Во школските денови обожавала гимнастика и спорт.

- Поради нејзините облини го добила прекрарот „La Guitarra“ (гитара).

- Не пуши, не пие и речиси и не внесува шеќер. Само малку чоколадо понекогаш.

- 7 часа сон се задолжителни за неа, а кога ѝ дозволува распоредот спие и по 10.

- Покрај тренинзите со личните тренери, таа секојдневно медитира по 20 минути.

- Во 1991 година настапувала како танчарка на некои од настапите на групата „New Kids On The Block“. Исто така, била дел и од настапите на Џенет Џексон.

- Во јануари 2011 имаше хит албум и хит филм во исто време. Нејзиниот 4-ти албум „J.Lo“ и романтичната комедија „The Wedding Planner“.

- По нејзиниот прв  парфем „Glow by J.Lo“, кој заработи 40 милиони долари, таа објави уште низа одлични парфеми и направи империја.

- Мајката на Џенифер Лопез е страстен коцкар, а во казино во Атлантик Сити добила џек пот од 2.4 милиони долари.

- Задникот на Џеј Ло ѝ е осигуран на 27 милиони долари.

С. С. | Црнобело