Како изгледа ќерката на најбогатиот човек во Индија, чија свадба започна со настап на Бијонсе?

Детали

вторник, 11 декември 2018

Во Индија десетици милиони луѓе страдаат од сиромаштија, па оваа „дебела индиска“ свадба, на чии претсвадбени церемонии присуствуваше и Хилари Клинтон, a се претпоставува дека ќе чини 139 милиони долари, е на мета во индиските медиуми.

Кога се мажи ќерката на најбогатиот човек во Индија, тогаш сигурно е дека на листата со гости ќе има специјални имиња.

Па, така на листата со гости на 27-годишната Иша Амбани, ќерката на милијардерот Мукеш Амбани, има звучни имиња меѓу кои и Бијонсе.

Свадбата допрва ќе се одржи, но на претсвадбените церемонии пееше Бијонсе во раскошна палата од 16-тиот век.

За оваа пригода Бијонсе имаше специјални аутфити.

Инаку свадбата на Иша со бизнисменот Ананд Пирамал (33) ќе се одржи во нејзиниот семеен дом во Мумбаи.

Нејзиниот татко е на чело на „Reliance Industries“ и има богатство од 47 милијарди долари, според Forbes. На претсвадбените церемонии присуствуваше и Хилари Клинтон, која е долгогодишна пријателка на семејството.

Иша е на чело на две од компаниите од бизнис империјата на нејзиниот татко.

Вестите за оваа „дебела, индиска свадба“ се хит во медиумите во Индија, каде десетици милиони луѓе живеат во сиромаштија.

Како изгледа богатата наследничка:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело