Зошто Анџелина Џоли со години не ја поднесува Шарлиз Терон?

Детали

вторник, 22 јануари 2019

Бред Пит очигледно ја преболе својата животна љубов, ама за нова девојка ја одбра колешката која неговата бивша жена не може ни да ја смисли.

Актерот наводно повеќе од месец дена излегува со русокосата Шарлиз Терон. Светските медиуми се преполни со наслови дека тие се лудо вљубени еден во друг.

Дури проструи веста и дека ги запознал Шон Пен, поранешниот свршеник на оскаровката.

Од друга страна, бившата сопруга на Бред Пит од поодамна чувствува нетрпеливост кон неговата моментална избраничка. 

Зошто Анџелина Џоли со години не ја поднесува Шарлиз Терон?

Бидејќи смета дека ја копира во сѐ што таа прави, како и дека се натпреварува со неа, што се однесува до кариерата, занимавањето со хуманитарна работа и посвојувањето деца.

И двете се добитнички на Оскар, хуманитарно ангажирани во мисиите на Обидинетите нации, како и мајки со посвоени деца.

Меѓутоа, тешко им е да пронајдат заеднички јазик. Повеќепати се имаат скарано поради улоги во филмови.

Првата голема војна избила при кастингот за римејкот на „Murder On The Orient Express“, но на крајот на ниедна од двете не ѝ припаднала улогата.

Шарлиз Терон одби да глуми во филмот „The Tourist“, по што Анџелина Џоли одлучи да прифати да ја замени.

Според добро упатени извори, непријателството меѓу актерските диви трае долго време, а од 2014 година не го кријат ниту од јавноста.

Шарлиз ја разбесни изјавата на Анџелина за тогашната врска со Шон Пен, која ја нарече „катастрофа“ и прогнозираше дека „лошо ќе заврши“.

А, каков ли коментар ќе има сега, кога лутата ривалка ужива во прегратките на некогашниот сопруг и татко на нејзините деца?

Бред Пит и Шарлиз Терон уште се немаат официјално произнесено во однос на нивната романса, па останува да следиме што ќе се случува во иднина.

Прочитајте и Прво појавување на Анџелина Џоли по веста дека Бред Пит се состанува со Шарлиз Терон!

М. А. | Црнобело