Љубовен времеплов: Славни личности кои беа во врска во ’90-ите

Детали

сабота, 11 јануари 2020

Дури и пред интернетот луѓето беа опседнати со познатите личности. Читаа за нив во весниците и списанијата, ги гледаа во филмови и емисии на телевизија и разменуваа информации за нив со своите најдобри пријатели.

Исто како денес, и во 90-тите во фокусот беа многу славни личности и нивните љубовни врски.

Ако ги заборавивте познатите парови што ни го привлекуваа вниманието во текот на последната деценија од 20-тиот век, време е да се потсетите на некои од нив:

Џони Деп и Кејт Мос

Славниот актер и славната манекенка беа заедно четири години. Наводно, нивната врска не успеа поради ненадејните промени во расположението на Џони Деп.

Бред Пит и Гвинет Палтроу

Бред и Гвинет глумеа заедно во трилерот „Seven“. Потоа започнаа врска која траеше од 1994 до 1997 година. Во тој период, медиумите го следеа секој нивен чекор.

Џастин Тимберлејк и Бритни Спирс

Како најголемите поп-sвезди и тинејџерски идоли од тој период, беше сосема природно Бритни и Џастин да започнат љубовна врска. Врската траеше од 1999 до 2002 година. Песната на Џастин „Cry Me a River“ е инспирирана од нивната романса.

Курт Кобејн и Кортни Лав

Пејачот на Nirvana и пејачката на групата Hole, беа најпознатиот пар во светот на рок музиката во 90-тите години. И двајцата имаа проблеми со дрога, а Курт ја заврши врската со самоубиство во 1994 година, оставајќи ја Лав со ќерката Френсис Бин.

Хју Грант и Елизабет Харли

Хју Грант беше најголемата филмска ѕвезда во Велика Британија и крал на романтичните комедии во 1990-тите. Тој беше во врска со актерката Елизабет Харли од 1987 до 2000 година. Тие сè уште се многу добри пријатели.

Ашера | Црнобело