Џорџина не штедела за подарок – Роналдо си доби џип за 35-тиот роденден (видео)

Детали

четврток, 06 февруари 2020

Ѕвездата на Јувентус вчера го прослави 35-тиот роденден, а сопругата Џорџина му го приреди најдоброто изненадување.

Илјадници фанови му го честитаа роденденот на фудбалерот на социјалните мрежи, а и Џорџина го направи истото.

Најпрво, таа сподели Story на Instagram на кое се гледа фудбалерот со огромен букет. На фотографијата, Џорџина напишала дека би сакала да помине уште 1.000 години со него.

Но, ова не е единственото изненадување што му го приредила.

Подоцна Џорџина објави видео на Instagram од неа и Кристијано на улиците во Торино, вечерта на неговиот роденден.

Околу нив има толпа фанови, меѓу кои се кријат и неговите пријатели со конфети. Како што се приближуваат до џипот со огромна црвена панделка, Кристијано сфаќа дека тоа е неговиот подарок.

Фудбалската ѕвезда изгледаше изненадено, ги прегрна и им се заблагодари на сите.

Тој објави фотка со сопругата и синот и голема чоколадна торта:

„Време е да го прославам роденденот. Ти благодарам драга за ова прекрасно изненадување“, стои во описот.

Спирова С. | Црнобело