Отворени врски и бракови - Познати парови кои не практикуваат традиционална љубов

Детали

сабота, 28 март 2020

Отворените врски и бракови се сè уште табу тема, но некои познати личности не се плашат јавно да признаат дека претпочитаат неконвенционална љубовна врска во која има простор за повеќе луѓе. 

Ова се познати парови кои не практикуваат традиционална љубов:

Мо'Ник и Сидни Хикс

Оскаровката Мо’ник и нејзиниот сопруг се познаваат од раното детство, а се венчаа во 2006 година. Актерката призна дека неконвенционална љубовна врска била нејзина идеја, а не на сопругот. „Сега, после толку години, можам да кажам дека нашиот брак се разви во прекрасна врска без тајни.“

Итан Хок и Рајан Шоухус

Американскиот актер бил во брак со Ума Турман од 1998 до 2005 година. Причината за нивниот развод била Рајан Шоухус, дадилката која се грижела за децата на славната двојка, со која Итан се оженил во 2008 година.

„Сексуалната верност можеби не е единствената работа врз која се засноваат нашите односи“, смета Итан.

Вил Смит и Џејда Пинкет Смит

Познатиот холивудски пар е во брак од 1997 година. Пред неколку години, Џејда решила јавно да ги коментира гласините за нивниот отворен брак. „Сè додека Вил може да се погледне во огледало и да биде добар со самиот себе, не ми пречи.“

Доли Партон и Карл Томас Дин

Американската пејачка и нејзиниот сопруг се во брак од 1966 година. Доли јасно кажала што мисли за моногамија. Вака функционира нејзиниот брак:

„Моногамијата е една од најпреценетите доблести. Моногамија е монотонија. За нас е добро ако имаме некој друг. Но не сакам да знам дали е тој е со некого, и тој не сака да знае дали јас сум со некого.“

Тилда Свинтон и Сандро Коп

Британската актерка го задржува својот приватен живот подалеку од јавноста, но се знае дека долго време е во брак со шкотскиот уметник Џон Бирн, со кого има две деца. Потоа, во 2004 година, младиот германски уметник Сандро Коп влезе во нејзиниот живот и дом. Поточно, откако ја започнала љубовната врска, Сандро се преселил во нејзината куќа.

Оваа неконвенционална мала заедница ги изненади луѓето, но главните актери на оваа атипична љубовна приказна не гледаат ништо необично во неа.

Ашера | Црнобело