Од каде потекнува богатството на Ден Билзеријан?

Детали

недела, 12 април 2020

Сите имаат слушнато за Ден Билзеријан. Ако сметате дека вие не спаѓате овде, ви треба само мало потсетување. Тој е мажот кој стана познат како „Кралот на Instagram“.

Ден е инфлуенсер кој тежи повеќе од 200 милиони долари, а најмногу се прослави по неговиот гламурозен и луксузен живот. Неговиот профил е исполнет со фотографии од забави со јахти и девојки, на кои присуствуваат важни имиња.

Ден има околу 30 милиони следбеници на Instagram и очигледно има и многу привилегии. Иако е најостро критикуван за неговиот однос кон жените, неговата популарност како да не се намалува.

Тој е син на маж кој бил во затвор неколкупати, а самиот Ден неретко е споредуван и со Хју Хефнер.

Всушност, Ден бил разгалено дете, а очигледно истото продолжило и подоцна во животот. Иако е мета на безброј критики и вплеткан во многу контроверзии, неговиот Instagram продолжуваат да го красат фотографии со јахти, оружје, пари, жени…

Наводно, животот на Ден драстично се променил откако дознал за покерот. Ден првпат се сретнал со оваа игра во универзитетските денови, а во 2013-та се покажал како играч со многу среќа.

Во врска со коцкањето и покерот, Ден има изјавено дека во студентските денови заработувал и по 90.000 долари на овој начин.

Тој има споделено и приказна според која морал да продаде сè што има, а нешто го натерало да си купи билет за Лас Вегас. Наводно, овде тој играл со 10.000 долари, кои успеал да ги „претвори“ во 187.000.

Самиот Ден тврди дека дел од богатството го наследил, но повеќето пари ги заработил на покер. Тој исто така нè уверува дека во една вечер имал добиено и 10 милиони долари на покер, но дека повеќе не играл со професионалци.

Целата приказна за коцкањето на Ден е малку чудна и на многумина не им е јасно што и како се случувало. Веројатно, никогаш и нема да дознаеме, но во секој случај, приказната не е инспиративна! 

Спирова С. | Црнобело