Хоакин Феникс и Руни Мара го добија првото дете – го крстија по починатиот брат на актерот

Детали

понеделник, 28 септември 2020

Хоакин Феникс и Руни Мара станаа родители, а нивното синче го носи името Риверс, во чест на починатиот брат на актерот.

Пред неколку месеци дознавме дека Хоакин Феникс и Руни Мара го очекуваат нивното прво дете. Парот воопшто не ги потврди гласините, но наводно Руни веќе се породила, и тоа пред еден месец.

Новостите ги сподели режисерот Виктор Косаковски, на проекција на неговиот филм Gunda – проект на кој Хоакин работи како продуцент. Додека режисерот одговараше прашања, спомна дека актерот не присуствувал на проекцијата бидејќи добил синче.

Режисерот откри и дека актерите го одбрале името Ривер, во чест на братот на Хоакин кој трагично го изгуби животот во 1993-та година.

Ривер го изгуби животот на 23-годишна возраст, од предозирање, кога Хоакин имал само 19 години. Пред неговата смрт, Ривер Феникс веќе имаше изградено име во Холивуд, па дури имаше и номинација за Оскар. Поради ова, Хоакин редовно се соочува со прашања за смртта на неговиот брат, кои најчесто ги избегнува.

Сепак, на последното доделување на Оскарите, актерот низ солзи го спомна брат му:

„Кога имаше 17 години, брат ми го напиша овој стих. Вели: Помогнете со љубов, и ќе следи мир“.

https://www.youtube.com/watch?v=6dInRKdjxKg

Стихот што го цитираше Хоакин, Риверс често им го пишувал на фановите кои му испраќале писма.

Актерот го спомна брат му и во интервју со CBS, каде што му се заблагодари, бидејќи тој бил причината што продолжил со глума.

https://www.youtube.com/watch?time_continue=2&v=eeziYo8KxQM&feature=emb_title

Руни и Хоакин се верија минатата година, после 3-годишна врска. Парот се држи што е можно подалеку од окото на јавноста - дури не ја потврдија ни веста за бременоста - па веројатно наскоро нема да видиме фотографии од новороденото синче.

Спирова С. | Црнобело