Од тешко детство, глад и идолот Лепа Брена до мултимилионерска убавица со козметичка линија – детали од животот на Емина Јаховиќ

Детали

недела, 15 ноември 2020

Емина Јаховиќ Сандал е родена на 15 јануари 1982 во Нови Пазар, Србија. Сличноста со глумицата Пенелопе Круз ѝ го донесе прекарот српската Пенелопе.

38-годишната пејачка, актерка и манекенка од неодамна потпиша и своја козметичка линија со назив Yaemina Beauty. По разводот со турската мегаѕвезда, пејачот Мустафа Сандал, Емина спогодбено доби огромна сума на пари, но животот не бил отсекогаш розов за оваа убавица, мајка на две дечиња, Јаман и Јавуз.

Во едно интервју таа открила детали од своето тешко детство, за деновите кога немале што да јадат и како под смртта на нејзиниот татко следувал тежок период за нејзиното семејство.

„Не поминав многу време со татко ми, се сеќавам на него како низ магла, но се сеќавам на некои работи што ми ги кажа. Тој знаеше дека сум уметник. Мама беше построга. Сето тоа добро го балансираа. Брат ми ја презеде улогата на татко и сопруг, тој беше на почетокот на својата кариера и мораше да созрее“.

Нејзиниот брат Мирсад Туркан е поранешен професионален кошаркар. Емина воедно открила дека како мала била голема обожавателка на Лепа Брена и дека ги лажела другарчињата од училиште дека се роднини со познатата пејачка.

„Како дете се дружев со момчиња. Играв фудбал, па се префрлив на кошарка. Секогаш се чувствував подобро покрај мажи, девојките беа многу нежни за мене. Ги лажев децата на училиште дека Лепа Брена ми е роднина. Бев опседната со неа и нејзината кариера. Да се биде Лепа Брена во тоа време беше навистина големо нешто“.

Многумина коментираат и за нејзината трансформација од сосема просечна девојка во вистинска убавица. Според фотките од минатото, очигледни се промените на нејзиното лице.

Неодамна, Емина имаше огромна промоција на својот бренд во Истанбул, каде што покани многу гости и познати инфлуенсерки на настанот кој траеше неколку денови.

(О)Милена | Црнобело