„Бог знае колку го сакав ова“ – Бергузар и Халит, познати како Шехерезад и Онур, го открија полот на третото дете

Детали

четврток, 17 јуни 2021

Со фотографии од мала прослава со најблиските, Шехерезад, односно Бергузар Корел, откри дека таа и сопругот Халит очекуваат девојче и ги побиваат гласините за нивните проблеми во бракот.

Бергузар Корел и Халит Ергенч, или како што подобро ги знае јавноста – Онур и Шехерезад – го очекуваат нивното трето дете, а деновиве актерката го откри и полот.

Најпознатиот турски пар има две машки деца, Али и Хан, а околу една година по раѓањето на вториот син, ќе станат родители по третпат.

Сега Бергузар го откри и полот на нивното дете. Актерката организирала мала забава со најблиските, а од настанот објави и неколку фотки на Инстаграм. На објавата има и фотографија од торта украсена со фигура на женско бебе.

„Нека имаме големо семејство, здрави и среќни деца. Возбудата од среќата за нашата ќерка нè обзеде сите. Сакав да ја споделам нашата среќа и со вас!“, пишува во описот на објавата.

Актерката додава: „Бог знае колку го сакав ова“.

Шехерезад и Онур стапија во брак по завршувањето на снимањето на популарната турска серија 1001 ноќ, во 2009 година. Една година подоцна го добија синот Али, а во 2020-та го добија синот Хан.

Извесен период се појавија гласини во турски медиуми дека можеби ќе се разделуваат, но тие ги замолкнаа шпекулациите кога најавија дека очекуваат второ дете, па и трето.

Погледнете и Најпопуларниот пар од турските серии – Како изгледаат денес Шехерезад и Онур? (фото)

Спирова С. | Црнобело