Не се грижи за хигиената, анксиозна е, но напорно работи - Каква е Бритни Спирс според нејзините поранешни вработени?

Никој не смее да зборува со неа

Според маж кој работел како асистент за Бритни за време на турнејата Circus во 2009 година, никој од тогашните вработени не смеел да зборува со неа. Тој тврди дека не смееле ни да ѝ се приближат, дури и ако станувало збор за нешто итно.

Иако мажот и другите вработени не добиле причина за ова, тој смета дека можеби пејачката тој период имала сериозни проблеми со анксиозност, па ги избегнувала сите ситуации што можат да ѝ ја влошат состојбата, како интеракција со странци.

Не се грижела за личната хигиена

Бидејќи ова го тврди само една личност досега, многумина не веруваат дека е вистина. Станува збор за поранешен телохранител кој ја тужел за вознемирување, а во тужбата навел дека пејачката не се грижи за личната хигиена.

Според него, таа секогаш мирисала на чад од цигари, не ги миела забите, не користела антиперспирант, a и многу често ги навредувала луѓето околу неа.

Бритни секогаш работи напорно

Можеби има секакви лоши гласини за Бритни кои не се потврдени, но сите сме сигурни во едно нешто – пејачката дефинитивно работи напорно.

Според танчарка која соработувала со Бритни во 2018 година, Бритни вложува многу во својата работа. Таа сподели дека за секоја проба Бритни го давала најдоброто од себе, но и дека се однесувала прекрасно со неа и другите танчарки.

За некои, ова е работа од соништата

И покрај лошите гласини и тврдења на поранешни вработени, се чини дека повеќето кои имале можност да работат за Бритни имале одлично искуство. Всушност, многу од нив велат дека тоа било работа од соништата.

Посветеноста на Бритни, пак, ги мотивирала и тие да работат напорно и целосно да им се посветат на нивните цели.

Спирова С. | Црнобело