15 факти кои покажуваат зошто сите сакаме љубов како на Блејк Лајвли и Рајан Рејнолдс

Смислата за хумор на актерите е незаменлива и тие постојано се шегуваат на нивна сметка. На пример, Рајан ѝ го честита Денот на мајката на Блејк со пораката: „Не ни помислив дека сексот во тоалетот на аеродром ќе доведе до ова“.

Блејк, пак, напиша уште подобра честитка за Денот на таткото: „Уште од денот кога се роди нашето бебе, срцето ми кажуваше дека најверојатно ти си таткото“.

Но покрај многуте шеги, тие ги кажуваат и најслатките работи еден за друг – Блејк има изјавено дека Рајан е дел од неа и дека буквално сè прават заедно.

Тие се заедно скоро 10 години, но ни на миг не им здодеало. Всушност, парот има изјавено дека никогаш не биле разделени подолго од една седмица – нешто што е речиси невозможно со нивните кариери.

И двајцата често се вклучуваат во добротворни кампањи и им помагаат на луѓе од сиромашни семејства, луѓе кои претрпеле штета од природни катастрофи и неретко посетуваат деца во болници.

Секојпат кога се појавуваат лажни гласини за нив, како неверство и раскинување, Блејк и Рајан ги претвораат во шеги и ги исмејуваат. На пример, кога се појавија гласини дека се разделиле, Рајан сподели фотка од него, Блејк и мајка му со опис: „Никогаш нема да се разделиме, таа секогаш ќе ми биде мајка“.

Никогаш не прифаќаат ангажмани во исто време бидејќи не сакаат и двајцата да бидат отсутни од домот на долг период и да ги оставаат децата со дадилки.

И двајцата имаат изјавено дека нивниот брак е совршен бидејќи тие се и најдобри пријатели. Всушност, уште пред да ја почнат врската, Рајан и Блејк биле многу, многу добри пријатели.

Спирова С. | Црнобело