Што прави Меган Фокс (35) за да изгледа совршено и по 3 бремености?

За ручек обично јаде јапонска храна што се состои од лосос и ориз, како ужинка меѓу ручекот и вечерата обично зема протеински шејк и овошје.

Вечерата се состои најчесто од пилешки гради и киноа.

Доколку сите други знаат понекогаш да се опуштат и да „измамат“ со некое слатко задоволство додека се на диета, Меган вели дека таа останува во целост посветена на утврдениот режим на исхрана.

„Или правам нешто во целост или не го правам, и ако сум на диета тоа значи дека нема денови кога ќе се опуштам. Но, ако би сакала еден ден да ја скокнам диетата, најверојатно би зела пица или торта“ – вели таа.

Таа ужива понекогаш да консумира свежо овошје во форма на смути. Според информациите што нејзиниот тренер Харли Пастернак ги сподели, Меган обожава црвено смути со бобинки, црн чај, лажица протеини во прав и многу малку бадемово млеко.

Секако освен што мошне внимава на исхраната таа вежба минимум трипати неделно. Нејзиниот тренер за неа има воспоставено режим на тренинг што се состои од пет дела: петминутни кардиовежби за загревање, вежби за обликување на долниот дел од телото, за горниот дел од телото, но и за обликување на пределот околу абдоменот. За крај има пет минути за одмор.

Меган најчесто вежба по 45 до 60 минути на велосипед, има долги кардио сесии или крева тегови.

Нејзиниот тренер Харли Пастернак, исто така, кажа дека им препорачува на неговите клиенти (меѓу кои освен Меган Фокс, се и Ријана Аријана Гранде и Ким Кардашијан), во секојдневната рутина да внесуваат што е можно повеќе активност.

Според Пастернак доколку редовно правите по 12.000 чекори дневно, би ви биле потребни само по 20-тина минути во теретана за да се одржите во топ форма.

Б. С. Б. | Црнобело