Хејли Бибер за кризите во бракот: „Плачев и сакав да се разведам од Џастин – мајка ми ме натера да издржам“

Детали

среда, 03 ноември 2021

„Ѝ се јавив на мајка ми со плачење и ѝ реков дека не можам да издржам повеќе.“ – открива Хејли (Болдвин) Бибер, која неодамна проговори отворено за кризите во бракот со Џастин заради неговите проблеми со менталното здравје.

За бракот на Џастин Бибер (27) и Хејли Болдвин (24) често се пишува во медиумите и најчесто се говори дека има своја токсична страна.

Пејачот во минатото говореше за сопствените проблеми со менталното здравје, а сега неговата сопруга Хејли откри што е она што ја натерало да остане покрај него.

Хејли гостуваше во поткастот In Good Faith with Chelsea & Judah Smith и призна дека на почетокот воопшто не било лесно.

„Се сеќавам дека ѝ се јавив на мајка ми неколкупати. Еднаш додека бевме во Бруклин ѝ се јавив со плачење и ѝ реков: ’Не можам повеќе. Нема шанси да издржам ако е вака цел живот‘.

Се сеќавам дека таа беше мошне смирена, па ми рече: ’Ќе помине, ќе бидеш добро, тој ќе оздрави и ние сме тука за тебе‘“ – вели Хејли.

За потсетување, Хејли е ќерка на актерот Стивен Болдвин и графичката дизајнерка Кенија Болдвин, што значи, мајка ѝ добро знае што значи да се справуваш со притисокот на славата.

Прочитајте и Драматично вирално видео: Џастин Бибер „вреска“ по сопругата Хејли Бибер

Сепак, Хејли вели дека поддршката од нејзиното семејство била мошне значајна, но таа самата е заслужна што одлучила да остане покрај Џастин и да се бори за заедничкиот живот.

„Мислам дека јас ја донесов конечната одлука. Знам дека го сакав многу долго време и дека не можев да се откажам од него. Не можев да му го направам тоа“ – вели таа.

Во 2019-та година познатиот музичар со канадско потекло почна да оди на терапија за да се справи со депресијата.

„Замислете да напуштите некого во најлошиот период од нивниот живот. Јас не сум таква личност. Па одлучив дека ќе останам без разлика на исходот. Но, беше многу тешко“ – вели таа.

Хејли и Џастин се запознале кога биле тинејџери, а кратко време биле во врска во периодот од 2015-та и 2016-та година, кога таа имала 19 години.

Тие ја обновија врската во 2018-та година и по само неколку месеци забавување одлучија да стапат во брак во септември истата година.

Б. С. Б. | Црнобело