Рики Мартин и сопругот објавија ретки фотки од нивната ќерка: „Ти си главна во нашето семејство“
- Детали
- вторник, 28 декември 2021
„Ти си главна во нашето семејство“ – Рики Мартин и неговиот сопруг Џуан Јосеф објавија ретки фотографии од ќерката Луција Мартин Јосеф, по повод заедничкиот роденден на популарниот пејач и единственото девојче во нивното семејство.
Рики Мартин на 24-ти декември наполни 50 години, а неговото трето дете, ќерката Луција, наполни 3 години.
„Јас и ова убаво девојче славиме роденден во истиот ден, на 24-ти декември. Луција Мартин Јосеф е светлоста во моите очи, мојата инспирација и мојата мотивација. Ти си главна во нашиот дом и те сакаме таква. Те сакам со целото свое битие“ – напиша Рики.
Освен славниот пејач, на Инстаграм истите фотографии се објавени и од страна на неговиот сопруг Џуан, кој до нив напиша:
„Денес е ден на двојна радост, мојот прекрасен сопруг Рики Мартин полни 50 години, а мојата ќерка Луција наполни 3 години.
Ти беше зрак светлина во последните 5 децении и ти посакувам уште 50 години комплетна светлина.
Ќе те сакам секогаш“ – напиша на својот Инстаграм профил Џуан Јосеф.
https://www.instagram.com/p/CX3pV0su8Wb/?utm_source=ig_web_copy_link
Инаку Рики и Џуан стапија во брак во јануари 2018-та година. Рики во 2008-та година со сурогат-мајка ги доби 13-годишните близнаци Матео и Валентино, а во бракот со Џуан ги има 3-годишната Луција и 2-годишното синче Рен.
Славниот пејач и сликарот ретко објавуваат фотографии од нивните деца на социјалните мрежи, но заедничкиот роденден на Рики и Луција беше доволна причина за да им покажат на нивните следбеници колку нивното мало девојче пораснало.
https://www.instagram.com/p/CE4wlkLHbpF/?utm_source=ig_web_copy_link
Погледнете повеќе фотографии во продолжение:
Прочитајте и Копија на тато: Рики Мартин сподели ретка фотка од синот + најави дека планира уште деца
Б. С. Б. | Црнобело
Би можело да ве интересира:
Препорачуваме
Најчитани неделава
