Роуз Мекгован избегнала силување - Познати личности кои порано биле дел од култ

Детали

недела, 23 јануари 2022

Роуз Мекгован пораснала во култот Children of God и, за среќа, нејзините родители навреме сфатиле дека децата неретко се силувани, па успеале да избегаат пред тоа да ја снајде и неа.

Можеби нам ни е чудно зошто некој своеволно би се приклучил на култ со бизарни правила, но забораваме дека лидерите на овие заедници се шармантни манипулатори кои знаат како да ја прикријат мрачната вистина.

Додека кај нас култовите се ретка појава, во САД постојат бројни вакви заедници. Некои култови и не се така бизарни, иако имаат по малку чудни правила. Но, од некои навистина ќе ве полазат и морници.

Во Холивуд постојат неколку славни личности кои пораснале или станале дел од култ, а во продолжение дознајте нешто повеќе за нив:

Хоакин Феникс

Хоакин Феникс е трето од петте деца на неговите родители. Откако тие го добиле второто дете, станале дел од религискиот култ Children of God, а актерот се родил токму овде.

Неколку години подоцна, тие почнале да сфаќаат дека култот не е најдоброто место за нив, откако почнале да се појавуваат шпекулации дека неретко најмладите членови биле киднапирани, па дури и сексуално злоупотребувани.

За среќа, Хоакин и неговите родители успеале да го напуштат култот, а бидејќи сметале дека добиле втора шанса за живот, го промениле семејното презиме во Феникс. Претходно, тие се презивале Ботом.

Глен Клоус

Родителите на познатата актерка станале дел од Moral Re-Armament – екстремно конзервативна група – кога таа имала само седум години.

Нејзиното семејство останало во култот околу 15 години, а според верувањата на заедницата, секогаш требало да покажуваат апсолутна искреност, апсолутна несебичност, апсолутна љубов и апсолутна чистота.

Лидерите го контролирале секој аспект од животот на членовите на култот – од облеката што ја носат, до она што го зборуваат.

Во 2021 година, актерката прозборе за култот изјавувајќи дека поради психолошката траума што ја доживеала таму ѝ било тешко да ги одржува врските со пријателите и партнерите.

Винона Рајдер

Кога актерката имала седум години, таа и нејзиното семејство ѝ се приклучиле на заедницата Rainbow. Иако за овој култ нема некои контроверзии, тие сепак имале необичен начин на живот.

Култот го сочинувале седум семејства кои живееле на огромно земјиште без електрична енергија.

Винона и нејзиното семејство го напуштиле култот по три години.

Дејвид Аркет

Актерот попознат како поранешниот сопруг на Кортни Кокс бил роден во заедницата позната како Skymont Subud. Тој останал овде до деветта година од животот.

Наводно, овој култ бил како „социјален експеримент“ и лидерите ветувале утопија. Но, членовите немале електрична енергија, немале вода, а немале ни тоалети.

Роуз Мекгован

Исто како Хоакин Феникс, и Роуз Мекгован поминала неколку години во култот Children of God.

За среќа, на нејзините родители навреме им станало јасно што се случува со младите членови, па избегале. Со ова, најверојатно ја спасиле актерката од силување.

Мишел Фајфер

Мишел Фајфер и не била така мала кога станала дел од култ, но на почетокот не била воопшто свесна дека ѝ се случило тоа.

Актерката се преселила во Лос Анџелес на 20-годишна возраст, кога запознала пар кој верувал дека луѓето можат да живеат без храна и вода, туку само од сончевата светлина.

На Мишел ѝ се допаднала идејата, па почнала да оди на нивните средби.

Подоцна актерката откри дека поранешниот сопруг Питер Хортон, кој тогаш снимал филм за некој култ, е нејзиниот „спасител“. Од љубопитност, актерката почнала да го истражува тој култ, па сфатила дека всушност и таа е дел од култ.

По ова, го напуштила култот, но изгубила и многу пари што им ги плаќала на лидерите како „членарина“.

Спирова С. | Црнобело