Хејли Бибер хоспитализирана заради тромб во мозокот: „Имав симптоми на мозочен удар, сега сум добро“

Детали

понеделник, 14 март 2022

„Во четвртокот наутро, појадував со мојот сопруг, кога почнав да добивам симптоми слични на мозочен удар и ме однесоа во болница“ – открива сопругата на Џастин Бибер, која имала мало згрутчување на крвта во мозокот, но сега е добро.

Хејли Бибер, сопругата на Џастин Бибер, пред неколку дена била хоспитализирана заради згрутчување на крвта во мозокот, а откако TMZ ја објави веста од свои извори, 25-годишната девојка потврди на социјалните мрежи.

Таа вели дека доживеала едно од најстрашните искуства досега и се исплашила за сопствениот живот, но за среќа нејзиното тело се изборило.

Хејли на Инстаграм раскажа детално што доживеала:

„Во четвртокот наутро, појадував со мојот сопруг, кога почнав да добивам симптоми слични на мозочен удар и ме однесоа во болница. Докторите открија дека сум имала мало згрутчување на крвта во мозокот, што предизвикало мал недостаток на кислород.

Но, моето тело го надмина тоа само од себе и се опоравив целосно по неколку часа. Иако ова беше еден од најстрашните моменти кои сум ги доживеала, сега сум дома и добра сум.

Многу сум благодарна на сите прекрасни доктори и медицински сестри кои се грижеа за мене. Ви благодарам на сите кои ми посакавте добри желби, како и за поддршката и љубовта.“

Џастин објави фотографија со својата сопруга истиот ден откако таа завршила во болница, а во описот преку емотикони ги покажал измешаните емоции – молитви, тага и љубов.

М. М. | Црнобело