Искрена исповед на Селена Гомез: „Што ми помогна да си ги решам проблемите со менталното здравје?“

Детали

среда, 06 април 2022

Биполарно растројство, кризни периоди во животот... Селена Гомез говори за сè и открива што ѝ е лек за менталните проблеми.

Селена Гомез (29) е една од јавните личности кои отворено говорат за проблемите со менталното здравје.  

Таа дури отвори и компанија „Wondermind“, која ќе биде платформа за бесплатна помош на луѓето кои имаат проблеми со менталното здравје.

Ѕвездата отворено говори за тоа колку ѝ е на моменти тешко да живеее со биполарно растројство и сака своите искуства да ги пренесе и на другите за да им помогне.

Таа особено посочува на токсичноста на социјалните мрежи:

„Не сум на интернет повеќе од 4 години. Тоа го промени мојот живот комплетно. Посреќна сум. Поприсутна сум и поповрзана со повеќе луѓе. Тоа прави да се чувствувам нормално“, изјави Гомез во шоуто „Good Morning America“.

Во една пригода холивудската ѕвезда откри дека креирала систем на заштита од социјални мрежи, така што не си ги знае лозинките на профилите, чекор кој ѝ бил неопоходен за да се фокусира на себе.

„Не можам да верувам каде сум ментално само затоа што ги преземав неопходните чекори за да се оттргнам од средина која едностацвно не е нормална“.

Гомез за првпат јавно проговори за дијагнозата биполарно растројство во април 2020 година, но вели дека напредувала оттогаш.

„Почнав да воспоставувам врска сама со себе и тоа е најдобрата работа што ја направив. Никогаш не сум била посреќна. Ние, како луѓе, сакаме да бидеме разбрани и видени и слушнати. И некогаш во ред е да не си во ред.

Имаше и уште има денови кога едноставно не ми се станува од кревет и мојата платформа ја основав токму за помош кога луѓето имаат такви денови“.

Гомез и во други пригоди говорела за проблемите со менталното здравје и за периодите кога со алкохол и забави мислела дека ќе си помогне, но го направила спротивното.

„Мојот лупус, трансплантацијата на бубрег, хемотерапијата, менталната болест, минувањето низ јавни љубовни разделби, сите тие работи искрено ме соборија. Секојпат кога ќе минев низ вакво нешто се прашував што уште ќе ми се случи наредно, со што друго ќе треба да се справам...? И потоа одлучив јас да помагам на други и тоа е тоа што вистински ме држи да одам напред.“

С. С. | Црнобело