Ал Пачино (81) си фати 28-годишна девојка – била во врска со Мик Џегер (78), сака повозрасни мажи

Детали

среда, 13 април 2022

Откако раскина со 39 години помладата Метал Дохан, Ал Пачино забележан со 53 години помлада девојка. Која е Нур Алфала (28), девојката која претходно била во врска со Мик Џегер и очигледно сака повозрасни мажи?

Холивудскиот актер Ал Пачино (81) беше забележан како излегува од познат ресторан во Калифорнија во саботата, заедно со 28-годишната Нур Алфала.

Папараците ги уловија холивудскиот ветеран и убавата телевизиска продуцентка како си заминуваат од ресторанот и заедно влегуваат во автомобил.

Нивните фотографии предизвикаа внимание заради големата генерациска разлика меѓу нив, но и затоа што убавата девојка и во минатото била во врска со многу повозрасни мажи.

Ова е првпат Ал Пачино да биде фотографиран со Алфала откако во 2020-та година раскина со 39 години помладата Метал Дохан заради преголемата генерациска разлика. Но, изгледа овојпат си најде девојка која е уште помлада. 

Што знаеме за Алфала, која и во минатото била во врска со повозрасни мажи?

Нур Алфала е телевизиска продуцентка со потекло од Кувајт која стана позната откако во 2014-та година на возраст од 21 година беше во врска со тогаш 70-годишниот Мик Џегер.

Нур и Мик беа во врска три години, а во 2017-та година објавија дека повеќе не се заедно.

„Годините не ми се важни. Срцето не знае што гледа, знае само што чувствува. Тоа беше мојата прва сериозна врска и навистина бев среќна“ – изјави таа во една прилика.

По раскинувањето со Мик Џегер, за Нур Алфала кружеа гласини дека е во врска со Клинт Иствуд (91), откако таа беше фотографирана во неговиот авотмобил. Сепак овие пишувања веднаш беа отфрлени и таа појасни дека актерот е семеен пријател.

Во 2018-та година за Нур Алфала исто така се пишуваше дека е во врска со 34 години повозрасниот милијардер Николас Бергруен (62) со кого таа објавуваше заеднички фотографии на социјалните мрежи.

Наводно Нур и Николас заедно биле на одмор во Капри и во Сен Тропе, а дури имаше и шпекулации дека ќе почнат да живеат заедно, но ТВ продуцентката нагласи дека тие се само пријатели.

Погледнете повеќе нејзини фотографии во продолжение:

 Б. С. Б. | Црнобело