Со Ванеса Паради го достигна врвот, а со Амбер Херд дното во кариерата – Љубовната врска на Џони Деп со мајката на неговите деца

Детали

сабота, 07 мај 2022

Откако ја започна врската со Ванеса Паради, од актер што играше во нискобуџетни и уметнички филмови стана позната филмска ѕвезда, а нивниот живот вклучуваше раскош и луксуз – факти за љубовната врска на Џони Деп со мајката на неговите деца, Ванеса Паради.

Освен бизарните детали од врската со сопругата Амбер Херд во рамки на судењето за клевета излегоа и повеќе детали од врската на актерот со неговата поранешна долгогодишна партнерка Ванеса Паради.

Во 2016-та година кога Амбер Херд јавно го обвини Џони за семејно насилство, Ванеса беше меѓу првите што застана во одбрана на нејзиниот поранешен партнер, а сега одбраната на Херд сподели шокантни мејлови во кои се гледа како Џони Деп ја нарекувал „изнудувач“, и ја обвинувал дека ги пере мозоците на нивните деца.

Џони во рамки на сведочењето кажа дека Амбер Херд му велела дека неговите деца Лили Роуз Деп и Џон Кристофер „Џек“ Деп, не го сакаат и дека тој е лош татко.

На ова, одбраната на актерката во судницата сподели мејл преписка, во која се гледа како актерот од 2013-та година му се доверува на својот пријател Елтон Џон.

Џони говорел за закрепнувањето на неговата мајка, но и за тоа како неговите деца ја прифатиле Амбер Херд.

„Од друга страна, моите деца се вљубени до уши во Амбер (мојата девојка) и фала Богу веќе не чувствувам притисок. Не ми наликува дека Французинката што постојано изнудува пари од мене (поранешна п**ка) се обидува да им ги испере мозоците против Амбер... што, сметам дека е неизбежно“ – вели Џони во мејлот.

Во своето сведочење Џони појасни дека Елтон Џон му бил мошне добар пријател кој благодарение на тоа што 40 години бил целосно ослободен од пороците, сакал да му помогне и тој да го направи истото.

Џони Деп (58) и Ванеса Паради (49) беа во врска 14 години, но никогаш не застанаа пред олтар. Актерот своевремено тврдеше дека не верува во брак, а веднаш штом раскина со неа се ожени со Амбер.

На следната страна повеќе факти за врската меѓу Џони Деп и Ванеса Паради...