Ѝ паѓала косата поради режисерот кој ја малтретирал, мисли дека измислен лик сака да ја убие – трагичната приказна на актерката Шели Дувал

Детали

недела, 06 ноември 2022

Шели Дувал развила сериозни проблеми со менталното здравје поради малтретирањето што го трпела на сетот на The Shining, а од стресот почнала да ѝ паѓа косата. Со години таа се криеше од јавноста, а кога конечно се појави, нејзината состојба беше уште полоша - изјави дека Робин Вилијамс не е мртов туку си ја менува формата, дека некој измислен лик сакал да ја убие, како и дека очајно ѝ треба помош. 

Шели Дувал стана светски позната благодарение на морничавиот филм на Стенли Кјубрик – The Shining – кој е снимен според истоимената книга на Стивен Кинг.

Во филмот, Шели се појавува „рамо до рамо“ со познатиот Џек Николсон и за многумина ова е нејзината најдобра улога.

Но, токму оваа улога значеше и пропаст за актерката – режисерот толку многу ја малтретирал на сетот, што по снимањето Шели развила проблеми со менталното здравје кои ја измачуваат до денес.

Шели Дувал, која повеќе од 20 години се држи настрана од јавноста, е родена во тексас во 1949 година.

Таа била одличен ученик и сонувала да стане научник и никогаш не ни планирала да стане дел од филмската индустрија.

Сепак, во 60-тите краток период работела како модел, а тогаш го запознала режисерот Роберт Алтман кој се фасцинирал од нејзината уникатна убавина. Па, решил да ѝ даде улога.

Со ова почнала долгата соработка помеѓу актерката и режисерот и таа се појави во неколку негови филмови.

Потоа таа доби улога и во оскаровскиот Annie Hall на Вуди Ален, а подоцна ја глумеше Олива во филм за Попај морнарот. Во овој филм, колега ѝ беше легендарниот Робин Вилијамс.

Кога познатиот режисер Стенли Кјубрик ја видел нејзината изведба во еден од нејзините филмови, сфатил дека таа ќе биде совршен избор за една од главните улоги во неговиот нов филм The Shining.

Режисерот веднаш ѝ ја понудил улогата, а Шели со задоволство прифатила.

Пред да почне снимањето, Шели раскина со нејзиното тогашно момче, а ова се одразило негативно врз нејзиното ментално здравје. Снимањето на The Shining, пак, само го влошило овој проблем.

Покрај Шели, другата главна улога му припаѓа на Џек Николсон, а снимањето на филмот траело речиси една година.

Во поголемиот дел од филмот, ликот на Шели плаче и е во хистерична состојба, а овие сцени биле особено тешки за актерката.

Режисерот Стенли Кјубрик е познат како перфекционист, па ја терал актерката да ги снима овие сцени одново и одново, и тоа со месеци.

Всушност, некогаш актерката била присилена да снима само една иста емотивна сцена и по неколку недели.

Со цел плачењето на Шели да биде поверодостојно на камера, режисерот се однесувал ужасно кон неа. Додека од една страна го фалел Џек Николсон за секоја сцена, за Шели имал само критики и викање.

Како што вели самата актерка, Кјубрик бил друг режисер со неа, а друг со Николсон.

Една од најпознатите сцени од филмот, во која ликот на Шели е и најхистеричен, била преснимувани рекордни 127 пати.

Во сцената, Џек Николсон крши врата со секира, додека ликот на Шели е избезумен и плаче. Што значи, Шели го преживувала овој момент многупати.

На видеото во продолжение можете да погледнете како Џек Николсон се подготвува за сцената, како и самата сцена.

Целиот стрес што го трпела на сетот се одразил и врз физичкото здравје на Шели, а почнала дури да ѝ паѓа и косата.

„Кога глумите вакви сцени, мора да мислите на нешто многу тажно во вашиот живот и колку ви недостасуваат пријателите или семејството. Но, по некое време вашето тело почнува да се бунтува.

Ви вели: ’Престани да ми го правиш ова. Не сакам да плачам секој ден‘. И некогаш само таа помисла ме тераше да плачам“, изјави актерката во интервју.

Иако денес The Shining е култен филм и голем дел од јавноста е воодушевен од изведбата на Шели, по премиерата на филмот во 1980 година ситуацијата беше поразлична.

Актерката беше номинирана за Златна малина во категоријата најлоша актерка, а и авторот на книгата Стивен Кинг ја навреди:

„Само се дере и е глупава во целиот филм. Тоа не е ликот што го напишав“.

Наредните 20-тина години Шели успеваше да се појави во некои филмови и серии, а работеше и како продуцент. Но, нејзиното ментално здравје само се влошуваше, па во 2002 година целосно исчезна од филмската индустрија, сè до 2016-та. 

Продолжува на следната страница...