Тестовите за допинг ги поминувал со лажен пенис, првата сопруга го изневерила со Бред Пит – Факти за Мајк Тајсон

Детали

петок, 04 ноември 2022

Призна дека на сите мечеви се користел сo пластичен пенис и туѓа урина за да ги помине тестовите за допинг, откако претепал неколку проститутки, во 2009-та одлучува цела година да остане на рехабилитација, и денес е целосно нова личност – Факти за Мајк Тајсон.

Мајк Тајсон (56) е еден од најпознатите боксери и спортисти во светот. Неговите инциденти и скандали со години ги полнеа таблоидите.

Ја шокира јавноста кога го одгриза увото на Евандер Холифилд во 1997-ма година во рингот, а подеднакво привлекуваше внимание и со скандалите во приватниот живот.

Беше во брак трипати, располагаше со богатство од околу 400 милиони долари заработени благодарение на неговата кариера како боксер, за на крај да банкротира.

Големиот број скандали, зависности и неконтролираното трошење го доведоа до работ, за на крај да успее повторно да се крене.

Помина процес на рехабилитација и на откажување од зависности, започна нови бизниси и денес можеби нема огромно богатство како во минатото, но според некои извори располага со 10 милиони долари што му овозможуваат да живее комотно.

Во продолжение неколку интересни факти за Мајк Тајсон што можеби не сте ги знаеле:

Во 1985-та година тој за првпат успева да го привлече вниманието на јавноста кога за првпат се појавува во рингот против Хектор Мерцедес и го нокаутира уште во првата рунда. Првата година се чинеше дека Мајк е непобедлив – сите мечови ги заврши со победа.

Во периодот кога бил на врвот на кариерата тој заработувал околу 30 милиони од секој меч, а според Forbes, благодарение на боксерската кариера тој успеал да акумулира богатство од 400 милиони долари.

Славата и парите ќе го направат мошне популарен кај жените и честопати се пишувало за неговите скандали. Во 1988-ма година тој се ожени за актерката Робин Гивенс со која беше во брак само една година. Според неговата биографија, Робин имала афера со Бред Пит.

„Бев гневен. Сакав да го... требаше да го видите неговото лице кога ме виде“ – вели Мајк.

Во 1992-ра година Мајк беше осуден за силување на манекенката Дезире Вашингтон и доби затворска казна од 6 години, а одлежа три. Тој тврди дека бил невин и неправедно осуден.

Освен со Робин, Мајк Тајсон беше во брак и со Моника Тарнер, а во 2009-та година стапи во брак со Лакиха Спајсер. Му се родиле седум деца, а едно од неговите деца, Егзодус Тајсон трагично починало на 4-годишна возраст кога играјќи се на лента за трчање се задушило од кабел.

Продолжува на следната страна...