Роналдо видно вознемирен говори за загубата на синот: „Џорџина беше скршена - не сфаќаме зошто тоа ни се случи нам“ (видео)

Детали

среда, 16 ноември 2022

„Како е истовремено да се радуваш за раѓањето на ново дете во семејството и да тагуваш за загубата на другото?“ - Кристијано Роналдо се обиде да даде одговор на ова прашање во емисија каде за првпат јавно говореше за загубата на синот кој почина при породување во мај годинава.

Светски познатиот фудбалер деновиве гостуваше во емисијата на Пирс Морган во Велика Британија каде говореше отворено на повеќе теми поврзани со неговата кариера и приватниот живот, а меѓу другото јавно прозборе и за загубата на синот кој почина при породување.

Со растреперен глас и видно вознемирен од трагедијата што го погоди нивното семејство, кога Џорџина беше бремена со близнаци, а само едно од нив го преживеа породувањето.

„Тоа најверојатно беше најтешкиот миг во мојот живот по смртта на мојот татко. Навистина е тешко да се соочите со таков проблем. Не разбираме зошто ни се случи нам. Тоа беше навистина тежок период за сите нас, особено за Џорџина“ – рече Роналдо.

Прашан за тоа како се чувствувал во моментот кога требало истовремено да слави за раѓањето на ќеркичката Бела Есмералда и да тагува за загубата на синот, Роналдо рече:

„Тоа е лудост. Се обидов да им го објаснам чувството на некои од моите пријатели и роднини. Никогаш не сум чувствувал истовремено среќа и тага. Многу е тешко, не знаеш дали ќе почнеш да плачеш или ќе се смееше во следниот момент. Тоа е нешто на што не знаеш како да реагираш“ – рече Роналдо.

За потсетување, Роналдо има 5 деца, синот Кристијано Роналдо Џуниор, Ева, Матео, Алана и Бела Есмералда. Три од нив ги доби од сурогат мајки, а две се од врската со неговата партнерка Џорџина Родригез.

 Б. С. Б. | Црнобело