Пред Реља била во врска со кошаркар од Нигерија, си го смени личниот опис со операции – Животната приказна на Николија Јовановиќ

Николија образованието го заврши на факултетот за бизнис и финансирање на Американскиот универзитет во Атина, каде во слободното време работела како танчарка и диџеј во клубови, а се занимавала и со моделинг.

Во 2010-та година беше дел од шоуто Survivor но се откажа откако западна во депресија затоа што не можеше да се навикне на недостатокот на хигиена, недостатокот на сон и сл.

Ако се погледнат фотографиите и видео снимките од периодот кога Николија учествувала во реалното шоу може да се забележи дека тогаш изгледала сосема поинаку.

Пејачката оттогаш ја променила бојата на косата, а очигледно е дека направила и операција на носот и ставила филери на усните.

Следната 2011-та година ја започна својата музичка кариера откако ја сними песната „Crazy 2 night“ со DJ Kas.

Во тој период Николија била во врска со 3 години помладиот кошаркар со нигериско потекло Атанасиос Адетокунбo, кој игра за развојната лига на НБА.

Во 2014-та година ја започнува врската со Реља Поповиќ, а следната година останала бремена, но набрзо го загубила бебето, откако во медиумите се појавија шпекулации дека бебето што таа го носи не е на познатиот српски музичар.

Во 2016-та година парот ја доби ќерката Реа, а во јули 2021-ва година добија уште една ќеркичка чие име го криеја долго време, за на крај во февруари годинава да откријат дека девојчето се вика Хана.

Инаку, Николија за разлика од нејзината мајка Весна, денес се труди колку е можно повеќе да ја сочува приватноста на нејзините деца во јавноста, па така на социјалните мрежи речиси и да нема објавено фотографии од нејзините ќерки, а на оние што се објавени секогаш лицето на девојчињата е скриено.

 Б. С. Б. | Црнобело