Почнала да глуми на 8 години, стана хит меме на Твитер – Што знаеме за актерката што ја игра главната улога во „Wednesday“?

По ова се појавила и во филмот Iron Man 3, a потоа следат улоги во голем број ТВ серии и филмови, како Jane the Virgin, Scream, Jurassic World Camp Cretaceous, Yes Day, The Fallout и други.

Џена открива дека била мошне нервозна за улогата во филмот Wednesday затоа што ќе игра заедно со Кристина Ричи, актерката што маестрално ја одигра истата улога во филмот The Addams Family во 1991-ва година.

За потребите на филмот признава дека почнала да учи да свири на виолончело два месеци пред да започне снимањето на серијата.

Танцот на Wednesday стана хит на социјалните мрежи, а Џена откри дека оваа сцена ја снимила додека имала симптоми на ковид. Вели дека се разбудила со симптоми но добила позитивен тест дури откако завршило снимањето, а кореографијата што е вистински хит ја направила сама додека ја слушала песната една недела пред снимањето.

Во 2020-тата година Џена на 18-годишна возраст објави книга насловена It's All Love: Reflections For Your Heart & Soul. Книгата содржи голем број детали за нејзиниот приватен живот, каде говори за верата и подобрувањето на менталното здравје.

Б. С. Б. | Црнобело