По врската со трансродова личност, го поврзуваат со поранешната девојка на колега – Бурниот љубовен живот на Килијан Мбапе

Детали

петок, 16 декември 2022

„Килијан Мбапе е во врска со првата трансродова личност што се појави на насловната страница на Playboy“ – вака отприлика гласеа насловите во голем број таблоиди откако францускиот фудбалер беше фотографиран заедно со трансродовиот модел Инес Рау. Сега го поврзуваат со друг модел која е мајка на две деца.

Франција влезе во финалето на Светското првенство во фудбал, а еден од играчите што најмногу привлекува внимание во нивните редови е Килијан Мбапе (23).

Кристијано Роналдо изјави дека голема е можноста Мбапе годинава да биде прогласен за најдобар фудбалер на Светското првенство во Катар, а освен што привлекува внимание со успесите на фудбалскиот терен, францускиот фудбалер во изминатиот период беше во фокусот на вниманието и заради изборот на девојки.

Минатото лето во сите светски таблоиди осамнаа фотографиите на кои Мбапе е заедно со трансродовиот модел со алжирско потекло Инес Рау (32), по што почнаа прашањата дали тој е во врска со неа.

За време на Канскиот филмски фестивал, Килијан беше фотографиран со Инес на јахта, а на фотографиите може да се види како тој ја држи во раце.

Инаку, Инес Рау е првата трансродова личност што се нашла на насловната страница на Playboy. Таа е родена во 1990-та година, а на 16 години ја почнала процедурата за промена на полот.

Вели дека нејзините родители веднаш ја прифатиле одлуката да стане девојка, а таа тој процес го споредува со реинкарнација.

„Долго време криев дека сум трансродова личност. Сум била на повеќе состаноци и се плашев дека никогаш нема да најдам дечко и ќе ме гледаат како настрана личност“ – вели таа.

Прочитајте и Хит видео од Килијан Мбапе како трча да му се извини на навивачот што го нокаутира со топка – „Има срце од злато“

Откако немаше коментари за наводната врска со Инес, Мбапе почнаа да го поврзуваат и со белгиската манекенка Роуз Бертрам (28) со која се запознале во Париз, каде таа работи.

Роуз претходно била партнерка на фудбалер што играл во истиот клуб каде денес игра и Мбапе.

Од врската со поранешниот играч на клубот PSG, Грегори ван дер Вил, Роуз има две деца. Тие се запознале кога таа имала само 17 години, а живееле заедно од 2012-та до 2016-та година.

Мбапе никогаш не се запознал со поранешниот партнер на неговата девојка, затоа што тој во клубот дошол една година по заминувањето на Грегори ван дер Вил.

Инаку Роуз е доста активна на Инстаграм каде има над 900.000 следбеници.

Погледнете дел од нејзините фотографии:

Б. С. Б. | Црнобело