Се избори со зависност, синот со Даунов синдром ѝ наполни 19 години – Што прави денес Есмералда?

Детали

сабота, 25 март 2023

Мексиканската актерка Летиција Калдерон (54) се прослави со ликот на слепата девојка Есмералда, улогата која ја играше во далечната 1997 година. Иако оттогаш поминаа 25 години, убавата актерка е препознатлива каде и да се појави. Не е многу активна на социјалните мрежи, но неодамна објави слики од 19-иот роденден на нејзиниот постар син, кој има Даунов синдром.

Актерката Летиција Калдерон, која се прослави со улогата на Есмералда во истоимената теленовела, и денес е една од најпопуларните латиноамерикански актерки во светот.

Таа денес не снима толку многу серии, а времето најчесто го поминува со своите два сина, Лучиано и Карло.

Постариот син Лучиано, кој има Даунов синдром, пред неколку дена наполни 19 години, а актерката објави слики од роденденската прослава и емотивна порака.

„Љубов... Многу сум горда на тебе. Ќе продолжам да те правам среќна“ - напиша актерката на Инстаграм.

Летиција Калдерон е најпозната како слепата девојка Есмералда, улогата која ја играше во далечната 1997 година. И покрај тоа што оттогаш поминаа 25 години, убавата мексиканска актерка е препознатлива каде и да се појави.

„Не очекував серијата да има толкав успех. Беше тоа големо изненадување за сите. Но, луѓето сакаат да гледаат теленовели зашто сакаат да сонуваат и да бидат дел од убава бајка.

Кога бев во Полска дознав како Есмералда го спасила животот на бремена девојка која нејзиното момче ја напуштило, а татко ѝ ја избркал од дома.

Таа сакала да скокне од мост, мислела дека никој веќе не ја сака. Додека одела кон смртта, во излог на телевизија ја видела Есмералда, сцена во која таа иако слепа, сама и се обидува да му даде мајчино млеко на новородениот син.

Па си рекла ‘ако Есмералда може да го направи тоа, можам и јас’.

Подоцна татко ѝ ѝ простил, а таа отворила куќа за самохрани мајки, која го носи името на мојот син од серијата“ - раскажа во една прилика Калдерон.

Ликот на Летиција денес скоро и да не е променет, освен бојата на косата која сега е руса.

Каде и да се појави, глумицата е ведра и насмеана. Но, вели дека животот не бил секогаш нежен со неа.

Таа неодамна проговори за проблемот со кој се соочила кога била на врвот на својата популарност, па почнала да пие и да користи наркотици.

„Бев непромислена и зависноста за малку ќе ме одведеше во пеколот. За среќа, се оддалечив на време“ - рече таа во една прилика.

Во интервју раскажа и дека еднаш некој на забава ѝ ставил дрога во пијалакот и дека тоа било најтрауматското искуство што го доживеала.

Летиција беше мажена два пати - за Марко Лопез, а потоа и за адвокатот Хуан Коладо, кој е татко на нејзините синови. Тој пред неколку години беше уапсен под обвинение за организиран криминал.

Сепак, поттикната од Дауновиот синдром на својот син таа ја напиша книгата „Un angel en mi vida“ (Ангел во мојот живот) во која раскажува за неговите први пет години.

„Лусијано е мојот ангел и го сакам безусловно. Кога докторите ми ја кажаа неговата дијагноза, си реков дека не е важно бидејќи ќе имам дете. Не ми беше грижа.

Тој не е совршен, но да бидеме искрени, совршени луѓе не постојат. Секогаш е насмеан, не знае за лоши чувства. Благодарна сум на Бога за моите синови“ - рече во интервју Калдерон по промоцијата на книгата.

Глумицата вели дека добрата фигура ја одржува со редовно вежбање, па оди во теретана три пати неделно. Сака да готви традиционална мексиканска храна, a понекогаш на синовите им готви и арапски и јапонски специјалитети.

„Не сум од оние кои се плашат од своите години. Горда сум на нив и се чувствувам среќна“ - вели таа.

А. Ј. | Црнобело