Златан Ибрахимовиќ со солзи во очите се пензионира од фудбалот, сопругата ја брише размачканата шминка: „И Бог тагува што одам во пензија“

Детали

понеделник, 05 јуни 2023

„Кога се разбудив утрово и видов дека врне си помислив: ‘Дури и Бог тагува’“ – рече во својот емотивен говор пред публиката Златан Ибрахимовиќ кој со солзи во очите се прости со навивачите на фудбалскиот клуб Милан, но и со својата фудбалска кариера.

Во неделата (04.06) фудбалскиот свет беше изненаден кога Златан Ибрахимовиќ по последниот меч на ФК Милан излезе и се прости со публиката.

Фудбалерот со босански корени (41) најави дека се простува со клупскиот фудбал, но и со фудбалската кариера во целост.

„Имам многу спомени, премногу емоции на овој стадион. Првиот пат кога дојдов овде ми дадовте среќа, а вториот пат ми дадовте љубов.

Сакам да се заблагодарам на моето семејство и на оние што ми се блиски за нивното трпение и да се заблагодарам на моето второ семејство - соиграчите“ – рече Ибрахимовиќ.

Фудбалерот не можеше да ги скрие емоциите во очите затоа што си заминува од кариерата како играч, а како што рече за неговата одлука не знаеле ниту членовите на неговото семејство.

„Ниту моето семејство не знаеше, затоа што сакав кога ќе објавам дека се пензионирам сите да слушнете истовремено“ – рече тој.

Во свој стил Златан мораше да внесе по некоја шега во говорот, па така на навивачите на спротивниот клуб Верона кои го исвиркуваа од трибините им порача да продолжат да свиркаат, затоа што ова е најдоброто издание во кое го виделе, а се пошегува и на сопствена сметка:

„Утрово кога станав и видов дека врне, си помислив: ‘Дури и Бог плаче’“ – рече тој.

❤️🖤 Emotional moment as Zlatan Ibrahimović says goodbye to AC Milan... @MatteMoretto reports right now that he's retired from football. pic.twitter.com/TaP6Bt77BZ

— EuroFoot (@eurofootcom) June 4, 2023

Zlatan Ibrahimović:

"The time has arrived to say goodbye".

We will miss you, forever and 𝐀𝐋𝐖𝐀𝐈𝐙❤️🖤

Good luck in retirement 👏 pic.twitter.com/vF0w3kCKU9

— Lega Serie A (@SerieA_EN) June 4, 2023

Прочитајте и Љубовната приказна на Златан Ибрахимовиќ и Хелена Сегер - таа е 11 години постара од него, на првата средба се скарале за паркинг

Инаку, во светските медиуми се објавени фотографии и од сопругата на Златан Ибрахимовиќ која плаче и ги брише солзите откако тој најави дека се пензионира.

Прочитајте и Купил црква во која ќе живее по пензионирањето, има остров за лов - Како Златан Ибрахимовиќ ги троши парите?

Б. С. Б. | Црнобело