Му праќал пораки дека сака да го гледа на US Open: 6-годишниот Рики од САД е најголем фан на Новак Ѓоковиќ (видео)

Детали

понеделник, 18 септември 2023

„Здраво Рики, ја имаш најубавата насмевка на светот“ – му порача Новак Ѓоковиќ на неговиот најмлад и најверен фан пред еден од натпреварите на US Open, а видеото од средбата беше објавено на социјалните мрежи.

Видеото со емотивниот миг кога Новак се поздрави со еден од своите најмлади и најверни фанови беше топ тема во голем број светски медиуми пред финалето на US Open, кога Србинот успеа да го победи Данил Медведев и повторно да стане најдобар тенисер во светот.

Дел од српските медиуми ја пренесуваат приказната за малиот 6-годишен Рики, кој уште во 2021-ва година го засакал тенисерот и постојано зборувал за него и го имитирал.

Минатата година Рики сакал да има можност да го запознае својот идол за време на US Open во 2022-ра година, па дури и му пратил порака од телефонот на мајка му.

Но, сите знаеме дека на Ноле тогаш му беше забранет влез во САД, по што Рики остана разочаран, но не ја загубил надежта.

Годинава, на Рики му се оствари сонот, кога тој имаше можност да го посети својот „најдобар пријател“ на теренот додека се подготвуваше за натпреварите, а видео снимката од средбата беше објавена и на социјалните мрежи.

Рики доби тениско топче од својот идол, а може да се слушне како тенисерот му вели:

„Здраво Рики, ја имаш најубавата насмевка... Пред две години ми напиша порака дека сакаш да се видиме на US Open и еве ти ја исполнивме желбата“.

Рики сигурно долго ќе го помни денот кога имал можност да се запознае со својот идол и да го следи од трибините, а веднаш по завршувањето на натпреварот Ноле отиде и го прегрна.

Ова е само уште еден доказ за скромноста на тенисерот, кој има срце од злато и секогаш им посветува внимание на своите фанови.

Б. С. Б. | Црнобело