Никола Јокиќ откри зошто веќе нема да ја носи бурмата на патиките – сигурно сопругата му се „заканила“

Детали

петок, 27 септември 2024

„Нема да ризикува истото да му се случи третпат“ – велат низ смеа оние што го погледанаа видеото во кое Никола Јокиќ откри дека веќе нема да ја носи бурмата на врвките од патиките. Со тешко срце, тој призна дека ќе мора да заборави на овој свој ритуал.

Српскиот кошаркар Никола Јокиќ (29) во моментов важи за една од најголемите ѕвезди во NBA, а во изминатите сезони привлекуваше внимание со еден необичен ритуал на секој натпревар.

Забележително беше дека на секој натпревар тој на патиките ја врзуваше бурмата што му ја дала сопругата.

Познато е дека голем дел од спортистите се суеверни, но Србинот откри дека тоа што ја носи бурмата врзана за патиките на секој натпревар е од емотивни причини.

И покрај тоа што сопругата Наталија и ќерката Огнена често го следат од публиката на натпреварите, Јокиќ имаше навика никогаш да не го вади прстенот, во знак на почит кон семејството.

Јокиќ и Наталија се заедно од средношколските денови, а во изјава за странските медиуми тој рече дека „трикот“ го научил од српски колега.

Целта му била секогаш да чувствува дека семејството е блиску до него.

Но, оваа сезона, Јокиќ веќе нема да ја носи бурмата на патиките, а даде и објаснување зошто тоа ќе биде така.

„Не, нема да ја носам! Ја загубив првата, па потоа ја загубив и втората бурма што сопругата ми ја даде, па затоа...“ – рече тој и тешко воздивна во камерата.

Многумина коментираат дека реакцијата на Јокиќ значи дека сопругата Наталија му се лути затоа што постојано ги губи бурмите и нема да ризикува да ја загуби и третата, а во самиот видео прилог коментираат дека најверојатно таа му се заканила дека ќе го избрка.

„Гарантирам дека сопругата сега му вели: ‘Не го губиш прстенот од НБА, а бурмите ги губиш постојано!’“

За да ја видите изјавата на Јокиќ кликнете на стрелките во објавата:

За љубовната приказна на Никола и Наталија прочитајте повеќе на следниот ЛИНК.

Б. С. Б. | Црнобело