Рикверц маратон

Детали

вторник, 29 мај 2012

Мудрите Кинези одат и трчаат наназад илјадници години, а дури во минатиот век ретро-трчањето како спортска дисциплина се разви и во САД.

Иако изгледа чудно и неприродно, обратното трчање е многу поздрава верзија од обичното џогирање.

Со трчање наназад се трошат три пати повеќе калории, се раздвижуваат повеќе мускули, а наместо на кичмата главниот товар паѓа на стомачните мускули.

Необичната вежба се користи кога спортистите закрепнуваат од повреди, а се препорачува и како превенција бидејќи не ги оптоварува лигаментите и зглобовите.

За почеток обидете се со брзо одење наназад и барајте безбедно место за ретро-трчање.