Нашиот Ставре Јада со втор настап на Олимпијадата 2026 - Се бореше до последниот метар

Детали

петок, 13 февруари 2026

„Иако патот до врвот е тежок, настапот на нашите нордијци е доказ за континуитетот на македонското скијачко трчање на светската сцена. Ана и Ставре го дадоа своето најдобро!“, напишаа од Македонскио олимписки тим, откако Ставре Јада го заврши своето олимписко патување, со вториот настап на ЗОИ2026.

Македонскиот нордиски скијач Ставре Јада го имаше својот втор и последен настап на Олимпијадата 2026.

Тој денес настапи во дисциплината крос-кантри, а заврши на 83 место од 113 пријавени учесници.

За неговиот денешен настап јавуваат и од Македонскиот олимписки тим:

„На олимписката патека во рамките на Тесеро крос-кантри Олимпискиот стадион, нашиот најдобар нордиец Ставре Јада го освои 83-то место (од 113 пријавени спортисти на стартот на трката) со заостанување од 4:52,7 минути зад новиот олимписки шампион, Ј.Х.Клебо од Норвешка.

Со овој настап, нашите најдобри спортисти во крос-кантри го заокружија своето учество на Зимските олимписки игри Милано и Кортина 2026.

Иако патот до врвот е тежок, нивниот настап е доказ за континуитетот на македонското скијачко трчање на светската сцена.

Ана и Ставре го дадоа своето најдобро! За уште подобри резултати во иднина, неопходна е многу поквалитетна работа и многу поголеми вложувања во овој прекрасен спорт од страна на сите релевантни институции во нашата држава.

Браво Ана! Браво Ставре! Продолжуваме понатаму!“

Ставре својот прв настап го имаше на 10 февруари, а тогаш заврши на 89-то место од 94 пријавени спортисти.

А. Ј. | Црнобело