Шакира стана хит на Светско: Додека обезбедувањето ја тера да побрза за настап, таа заигра танго со еден од нив

Детали

петок, 12 јуни 2026

Иако на вакви големи настани секој чекор е предвиден до секунда, Шакира, се чини воопшто не брза да стигне на време за отворањето на Светското првенство во фудбал и да го следи протоколот.

Вчеравечер свечено беше отворено Светското првенство во фудбал 2026, кое ќе се игра во САД, Мексико и Канада.

И додека финалето ќе се одржи на стадионот во Њу Џерси, отворањето беше на три стадиони - по еден во секоја држава. Па така, во САД, меѓу другите пееја Кети Пери и Тајла, во Канада Мајкл Бубле и Аланис Морисет, а сепак најзабавно беше на стадионот во Мексико каде се појави Салма Хајек, а главна ѕвезда беше Шакира, која ја пее и химната на првенството.

Таа со својот енергичен настап ја воодушеви светската публика.

Но, поинтересно беше „зад сцената“, односно пред почетокот на нејзиниот настап.

Иако на вакви големи настани секој чекор е предвиден до секунда, Шакира, се чини воопшто не брза да стигне на време и да го следи протоколот.

На Твитер се појави видео од моментот кога таа со танчарите оди кон местото на стадионот каде што треба да пее, но тоа го прави полека, без брзање, како да не ѝ е гајле што ќе задоцни, иако обезбедувањето околу неа ја „поттурнува“ за да ја забрза за да стигне на време.

Но, наместо за побрза, таа оди полека, се забавува, па дури и фаќа еден член од обезбедувањето за рака и почнува да игра танго со него.

Мажот делува дека ужива во моментот што е во прегратка на Шакира, додека другите панично го тргаат на страна и повторно се обидуваат да ја натераат пејачката да побрза.

„Шакира само сака да танцува, не ѝ се брза“, пишува на Твитер.

Погледнете го видеото:

/video/1

А. Ј. | Црнобело