Ветување си е ветување: Роналдо купува автомобили за медицинскиот тим на Реал!
- Детали
- петок, 17 јануари 2014
По освојувањето на Златната топка, престижно признание кое го добива како најдобар фудбалер за изминатата година, Кристијано Роналдо ќе мора да го исполни даденото ветување на медицинскиот тим во Реал Мадрид!
Имено, тој се обврзал дека ако ја добие Златната топка на сите ќе им купи автомобили.
Според шпанскиот таблоид „Марка“, Португалецот им должи автомобили на целокупниот тим лекари и физиотерапевти, а ги има повеќе од десет.
Тие се заслужни за играчите да се добро подготвени и брзо да заздравуваат. Како што се наведува, Роналдо пред неколку месеци се обложил со нив, а со оглед на тоа што условот е исполнет и тој ја доби Златната топка, сега е ред и тој да го исполни ветувањето.
Сигурно нема да му биде тешко да го исполни тоа, знаејќи колку милиони има на неговата сметка и колкава е неговата страст за автомобили. Дополнително е колку е значајно признанието за најдобар фудбалер и надминувањето на Аргентинецот Лео Меси.
Би можело да ве интересира:
Препорачуваме
Најчитани неделава
