ATP Барселона: Надал и Нишикори играа тенис на врв на планина (видео)

Детали

вторник, 19 април 2016

На првиот натпревар во Барселона, Кеј Нишикори и Рафаел Надал, освојувачот на осум трофеи, имаа можност да играат тенис на малку поинаков начин.

Двајцата тенисери разменуваа удари на врвот на планината Тибидабо која овозможува поглед во срцето на Каталонија.

Рафаел надал пристигнал во Шпанија само ден откако ја освои деветтата титула во Монте Карло, а повеќе од очигледно е дека уште еднаш сака да го освои и трофејот во Барселона кој го има освоено 8 пати во периодот од 2005-2009 и 2011-2013.

„Беше тоа голем ден. Играв на високо ниво цела недела, но морам да продолжам со ист ритам и наредните турнири. Цел ми е 2016-та да ми биде среќна година“ - изјавил Надал.

Кеј Нишикори дојде во Барселона по својата трета титула во низата омилени турнири од серијата 500.

„Сакам повторно да победам овде. Ова е мојот омилен турнир и најтешко натпреварување од серијата ATP 500. Оваа година ќе има силна конкуренција со шпански играчи, почнувајќи од Рафа“ - изјавил Нишикорина на финалето во Монте Крало.

„Гледав само дел од мечот. Рафа повторно е во одлична форма. Ако двајцата стигнеме во финале ќе биде тежок меч, но очекувам возбудлива недела“ - додал Нишикори.

Н. Г. | Црнобело