Спонзорирано од:
Спонзорирано од ОгласиЗаРабота.мк
Графичар 08-02-2023
Технолог 08-02-2023


RED BULL CLIFF DIVING / 2016 / FRANCE / LA ROCHELLE - Хант го комплетира камбекот со хет-трик во Франција

Британецот го изведе скокот со најголем коефициент на тежина за стигне до трета победа во низа во Франција.

red-bull-cliff-diving-2016-france-la-rochelle-hant-go-kompletira-kambekor-so-het-trik-vo-francija-01.jpg

Ла Рошел (ФРАНЦИЈА) – Со победа пред расположената 70-илјадна публика, 32-годишниот Хант го комплетираше својот забележителен камбек на четвртата станица од сезоната за 2016 година. Натпреварувањето во Ла Рошел беше одржана во историско опкружување, а Британецот по првите две рунди беше на 12 место и успеа да направи пресврт со речиси совршена изведба од 27-метарската платформа во последните рунди, вклучувајќи го и скокот со најголем коефициент на тежина. Американецот Енди Џоунс стигна до второто место, што е негов идентичен резултат со претходниот настап во Португалија, додека трет беше Михал Навратил од Чешка, кој беше на подиумот на првото натпреварување во Тексас, а сега успеа да се најде повторно меѓу најдобрите во родното место на светската серија Red Bull Cliff Diving. За прв пат оваа година на подиумот го нема Џонатан Паредес, но Мексиканецот останува на второто место во генералниот пласман за време на петнеделаната летна пауза која следува.

- Ова е коцкање за кое вреди да се потрудиш, а јас сум расположен да се обидам,- рече Хант пред почетокот на натпреварувањето кое се одржа од застрашувачката кула „Свети Никола“ во Бискајскиот Залив.

red-bull-cliff-diving-2016-france-la-rochelle-hant-go-kompletira-kambekor-so-het-trik-vo-francija-02.jpg

Ова е втор пат како Хант го изведе скокот со најголем коефициент на тежина, трикратно салто напред со четири и половина вртења, за што доби „деветки“ од жирито и успеа да се издигне од 12 на прво место, а тоа е негова трета победа во низа откако отсуствуваше од подиумите на затворањето на ланската сезона и отворањето на новата.

- Неверојатно е, не толку поради третата победа во низа, туку самата победа тука. Живеам тука веќе шест години и сите луѓе со кои тренирав минативе години беа тука за да гледаат. По слабиот старт, беше неверојатно, предното трикратно салто е скок на кој работев две и пол години. Го замислив со помош на мојот пријател од Саутемптон и од тогаш работам на него. Го пробав еднаш во Тексас, не помина најдобро, но денес беше поинаку,- изјави Гери Хант.

Додека Хант како петкратен шампион и освојувач на 28 победи во 54 настапи е вообичаено лице на подиумот, вториот пласман на Џоунс и Навратил се своевидно позитивно изненадување, бидејќи сега и двајцата имаат по два подиума во четири настапи, па претставуваат закана за Бриатнецот. Паредес заврши шести во Франција, па Хант во летната пауза влегува со комфорна предност пред Мексиканецот, додека Џоунс на третото место бележи личен најдобар рекорд во петте сезони на свестката серија Red Bull Cliff Diving.

Петтото натпреварување ќе се одржи на југот на Италија, недалеку од Бари, во малото место Полињано а Маре, каде што на 28 август повторно ќе се натпреваруваат и девојките.

red-bull-cliff-diving-2016-france-la-rochelle-hant-go-kompletira-kambekor-so-het-trik-vo-francija-03.jpg

Резултати: 1. Гери Хант (Велика Британија) 507,40 поени, 2. Енди Џоунс (САД) 484,65 поени, 3. Михал Навратил (Чешка) 484,25 поени, 4. Крис Коланус (Полска) 471,75 поени, 5. Орландо Дуке (Колумбија) 468,00 поени, 6. Џонатан Паредес (Мексико) 463,10 поени, 7. Стивен Лобуе (САД) 435,50 поени, 8. Серхио Гузман (Мексико) 368,00 поени

Табела: 1. Гери Хант (Велика Британија) 710 бодови, 2. Џонатан Паредес (Мексико) 530 бодови, 3. Енди Џоунс (САД) 390 бодови, 4. Орландо Дуке (Колумбија) 360 бодови, 4. Михал Навратил (Чешка) 360 бодови, 6. Крис Коланус (Полска) 310 бодови, 7. Дејвид Колтури (САД).

Би можело да ве интересира:

Вака се сака херој! Србите организираа проекција на кула за Новак Ѓоковиќ по триумфот и го преплавиј... По десетти пат, Новак Ѓоковиќ победи на Australian Open, a Твитер е преплавен со...
Голманот на Аргентина на терен го теши Мбапе, а во соблекувална бара едноминутен молк за него – најв... Твитот од 2015-та година во кој се предвидува победата на Меси, обидите на Макро...
Видео од Роналдо во кое навидум „турка“ обожавател стана хит на Твитер, додека во солзи го напушта т... „Не ги почитува ниту сопствените обожаватели“ – велат дел од твитерџиите што го ...

Најчитани неделава

sonovnik-sidebar.jpg