Авионските трки ја враќаат возбудата на Еуроспидвеј Лаузиц

Детали

петок, 02 септември 2016

По шест години трки со високи брзини на мали височини, светската серија Red Bull Air Race ќе се врати во Германија на автодромот Еуроспидвеј Лаузиц, а овој пат токму сонародникот на публиката ќе биде водечки во генералнот пласман.

Лаузиц (Германија) – Ова е тоа што германските навивачи го чекаа шест години за конечно овој викенд авионските трки да се вратат на Еуроспидвеј Лаузиц, порано познат како Лаузицринг. Тука во 2010 година овие трки дебитираа на овалната патека, полетувајќи кон небото, а овој пат кон чекањето се придодава и фактот дека оваа трка ќе претставува „доаѓање дома“ за Матијас Долдерер, пилотот кој што во моментов е на врвот од табелата во светското првенство.

Тринаесет пилоти во Мастер класата очајнички ќе го бркаат Долдерер, бидејќи асот од Танхајм има значителна предност (над 18 поени) во генералниот пласман, на три трки до крајот на сезоната. Затоа, тој не смее да си дозволи да го спушти гардот, особено бидејќи неговиот најблизок ривал е светскиот првак од 2008 година, Австриецот Ханс Арх. Тој беше победник и на трката во 2010 година, а тогаш Долдерер беше седми и имаше само една сезона зад себе. Веднаш по Арх, како трет во генералниот пласман е Австралиецот Мат Хол, кој има серија резултати на подиумот, и тоа во јулската трка во Будимпешта и во августовската во англискиот Аскот.

Уште еден германски пилот, Флоријан Бергер, ќе се натпреварува на Еуроспидвеј Лаузиц, и тоа за прв пат. Тој е еден од надежните пилоти кои ги развиваат своите вештини во летање на мали височини со настап во Класата на предизвикувачите, а оваа сезона во секоја трка на која што настапи, тој беше на подиумот.

Еуроспидвеј Лаузиц има овален облик со три патеки кои го прават уникатен во континентална Европа, но дизајнот е широко популарен во САД, каде што се возат трки од Индикар или НАСКАР серијата. Тука се вози ДТМ првенството и мотоциклистичкиот „супербајк“ шампионат, а со проширувањето на авионските трки од Red Bull Air Race навивачите ќе имаат можност да добијат претстава што ќе видат до крајот на сезоната кога оваа серија ќе гостува на „Индијанополис Мотор Спидвеј“, патека која претставува икона во Индикар првенството, како и на „Лас Вегас Мотор Спидвеј“, која пак е позната по НАСКАР трките.

Љубителите на трките можат да ја следат акцијата во живо почнувајќи од квалификациите кои се возат во сабота во 16 часот, и тоа преку сајтот www.redbullairrace.com. Првата елиминациска рунда на 14 пилоти од Мастер класата е на програмата во 14 часот в недела, а два часа подоцна е и вториот круг на најдобрите осуммина. Популарниот „Фајнал Фоур“ е предвиден во недела во 16.30 минути. Втората и третата рунда ќе се емитуваат и на Ред Бул ТВ, преку веб страната www.redbull.tv како и преку некои апликаци за Андроид и иОС.