Крај на кариера: Јенс Леман

Детали

четврток, 01 април 2010

"Довлно беше, на крајот од оваа сезона ја завршувам мојатa кариера", изјавил голманот на Штудгард и член на Германската репрезентација, Јенс...

 

... Леман. Голманот на германската фудбалска екипа Штудгард, Јенс Леман (40) најавил крај на неговата професионална кариера на крајот од оваа сезона.

Веќе подолго време се шпекулираше дали Јенс Леман ќе ја продолжи својата професионална кариера уште една година или веќе е дојден крајот. Така, деновиве самиот Леман изјави дека одлучил да ја заврши својата голманска кариера.

“Веќе е доста, сакам малку да се одморам” кажа поранешниот германски репрезентативец, кој за германската репрезентација има забележано 61 настап.

Кариерата ја започнал во Шалке каде поминал дури десет сезони (1988-98). Потоа го носел дресот на Милан (1998-99), Борусија Дортмунд (1999-2003) и Арсенал (2003-2008) , од 2008 година станува член на Штудгард.

Вкупно во својата кариера има освоено шест трофеја - англиско (2004), германско (2002) и италијанско првенство (1999), потоа Купот на УЕФА (1997), ФА Куп (2005) и Комунити Шилд (2004). Со германската репрезентација има освоено второ место на СП-2002, трето место на СП-2006 и второ место на ЕП- 2008 година.

Својата кариера ќе ја продолжи на гермнската телевизија како професионален коментатор за СП кое ќе се одржи во Јужна Африка.