Кои се најбогатите тренери во англиската Премиер Лига?

5. Мануел Пелегрини (нето вредност 20 милиони долари)

Ова е уште еден тренер со исто така многу големо искуство, којшто во моментот е на челото на Вест Хем Јунајтед и до сега има одлични резултати во новата сезона.

4. Пеп Гвардиола (нето вредност 31 милиони долари)

Денес е тешко да се дискутира дали има подобар тренер во светот од Пеп Гвардиола. Тој е тактички гениј којшто каде и да отиде успева да се докаже. Ја креираше доминацијата на Барселона, го продолжи успехот со Баерн Минхен, за сега да нижи успеси со Манчестер Сити.

3. Стив Брус (нето вредност 40 милиони долари)

Можеби ќе се изненадите дека Стив Брус е побогат тренер од Гвардиола, особено со оглед на тоа дека поголемиот дел од кариерата се бори со тимови од средниот дел на табелата во Премиер Лигата, но благодарение на неговата долга кариера, тој успеал да насобере толкаво богатство.

2. Јурген Клоп (нето вредност 50 милиони долари)

Еден од најдопадливите тренери во лигата кој конечно успеа да го доведе Ливерпул до титула во Лигата на Шампионите, а и целосно го трансформираше клубот во тим кој брка титули.

1. Френк Лампард (нето вредност 90 милиони долари)

Тој ја поминува само втората сезона како фудбалски тренер и веќе е на местото од соништата како тренер на Челзи, клубот во којшто го помина најголемиот дел од фудбалската кариера. Всушност и неговото богатство е благодарение токму на таа кариера како фудбалер, а како тренер допрва ќе треба да се докаже.

(О)Милена | Црнобело