Германски лекар открива: Кои биле првите зборови на Ериксен 30 секунди откако го вратија во живот?


Германски лекар открива: Кои биле првите зборови на Ериксен 30 секунди откако го вратија во живот?

Кои биле првите зборови на данскиот репрезентативец Кристијан Ериксен веднаш по реанимацијата, откако претходно тој колабираше на теренот поради срцев застој? Лекарот што го третираше на теренот даде изјава за тоа што се случувало.

Koi-bile-prvite-zborovi-na-Eriksen-po-reanimacijata-na-fudbalerot-kje-mu-bide-vgraden-pejsmejker-01.jpg

Во 42-та минута од натпреварот помеѓу Данска и Финска, 29-годишниот фудбалер ненадејно колабираше, a соиграчите со солзи во очите беа во исчекување додека медицинските лица се бореа за неговиот живот.

Германскиот лекар Јенс Клајнфилд во интервју за германски Bild вели дека на фудбалерот му била направена реанимација со електро-шок и неколку минути му била правена масажа на срцето.

„Околу 30 секунди подоцна играчот ги отвори очите и можев да разговарам со него директно. Тоа беше мошне емотивен миг затоа што во такви медицински случаи во секојдневниот живот шансите за успех се многу помали“ – вели тој.

Клајнфилд по ова раскажува дека по ова го прашал: „Дали си со нас?“, а Ериксен му одговорил:

„Да со вас сум. По ѓаволите имам само 29 години“.

„Во тој миг знаев дека мозокот не е оштетен и дека тој целосно се врати“ – вели Клајнфилд.

Koi-bile-prvite-zborovi-na-Eriksen-po-reanimacijata-na-fudbalerot-kje-mu-bide-vgraden-pejsmejker-02.jpg

Како што посочува лекарот, по ова данскиот репрезентативец во свесна состојба бил пренесен во болница. Тој посочи дека третманот со електро шок има мошне поголем успех кај професионалните спортисти отколку кај обичните пациенти што имале претходни заболувања.

„Бев 99 отсто сигурен на стадионот дека ќе стигне во болницата и ќе остане во стабилна состојба“ – вели лекарот.

Инаку денес со изјава излезе и тимскиот лекар на данската репрезентација Мартин Боесен кој потврди дека на Ериксен ќе му биде вграден пејсмејкер.

„Откако Кристијан беше на повеќе испитувања на срцето одлучено е да му се вгради пејсмејкер. Овој уред е неопходен по срцев удар поради нарушувањата во отчукувањата. Кристијан го прифати решението и планот за лекување е потврден од национални и интернационални специјалисти што го препорачуваат истиот третман“ – вели Боесен.

Koi-bile-prvite-zborovi-na-Eriksen-po-reanimacijata-na-fudbalerot-kje-mu-bide-vgraden-pejsmejker-03.jpg

Засега нема информации дали ова ќе значи крај за кариерата за младиот фудбалер, кој освен што игра за данската репрезентација исто така игра и за Интер.

Според информациите од истражувањата достапни преку Националната библиотека за медицина на САД, најчесто на спортистите што имаат вградено ваков уред не им се препорачува да продолжат да се занимаваат со интензивни спортови.

Б. С. Б. | Црнобело

Би можело да ве интересира:

Кристијан Ериксен со селфи од болница се огласи како се чувствува, по страшниот колапс на Европско Светот се молеше во еден здив за него, а сега Кристијан Ериксен, данската фудбал...
Триумфално враќање за Гери Хант во Сисикон Победниците ги надминаа своите проблеми во Франција освојувајќи ги симпатиите на...
Светот ја запозна кога го оживуваа нејзиното момче – Која е Сабрина, девојката на Кристијан Ериксен? Кога нејзиното момче Кристијан Ериксен колабираше на натпреварот помеѓу Данска и...

Најчитани неделава

sonovnik-sidebar.jpg