Како изгледа Олимпиското село во Токио, со строги правила во време на пандемија? (фото)

Детали

среда, 23 јуни 2021

Селото го сочнуваат 21 зграда со вкупно 3.600 соби, трпезаријата се протега на два ката, а надвор од селото има специјален хотел за изолација на спортистите кои ќе добијат позитивен тест за ковид.

Олимписките игри во Јапонија требаше да се одржат минатата година, но како многу нешта, пандемијата го промени и овој план. Бидејќи ситуацијата конечно покажува знаци на смирување, годинава ќе се одржат и Олимписките игри, а сега имаме можност да погледнеме и како ќе изгледа Олимпиското село.

Олимпиското село се наоѓа во Токио и има капацитет за 11.000 спортисти, кои ќе бидат сместени во 21 зграда.

Селото има огромна трпезарија, теретана, просторија за фотографирање, како и клиника за ковид тестови и изолација на спортистите кои ќе покажат некакви симптоми.

Селото, кое ќе биде отворено на 13-ти јули, има 3.600 соби и 18.000 кревети, а во продолжение можете да погледнете како изгледа:

Зградите во селото се високи од 14 до 18 ката и имаат вкупно 3.600 соби. Спортистите ќе почнат да доаѓаат 10-тина дена пред почетокот на Олимписките игри. Наводно, тие ќе пристигнуваат што е можно поблиску до датумот на нивниот натпревар, а ќе се заминуваат веднаш штом ќе завршат.

Во становите можат да се сместат 8 спортисти, но од безбедносни причини, нема да биде исполнет целиот капацитет. Креветите се направени од рециклирачки материјали, а во становите доминира минималистичкиот стил. Од организацијата на Игрите споделија дека по завршувањето на настанот, зградите ќе бидат продадени, а не напуштени.

Трпезаријата е можеби најголемата просторија во селото и се протега на два ката. Според информациите, спортистите ќе можат да избираат од дури 700 разни оброци. На секоја маса, пак, има преграда од плексиглас за да се намали ризикот од зараза.

Слично е и во теретаната – помеѓу секоја справа за вежбање има преграда.

Вo селото има и посебна просторија за фотографирање, каде што спортистите ќе можат да е фотографираат со обележја од Јапонската култура.

Нормално, селото е опремено и со клиника во која ќе се прават тестови за ковид. Ако некој спортист добие позитивен тест, ќе биде испратен во посебен хотел за изолација кој се наоѓа надвор од селото.

Спирова С. | Црнобело