Спектакуларно отворање на Зимските Олимписки игри: Македонското знаме се вее во Пекинг, пламенот пренесен под вода со роботи (видео)

Детали

петок, 04 февруари 2022

На националниот стадион „Птичјо гнездо“ со спектакуларен огномет започна церемонијата за свечено отворање на Зимските Олимписки игри. Честа да го носи знамето на Македонија му припадна на скијачот Дардан Дехари.

Започнуваат Зимските Олимписки игри во Пекинг. Од денес (04.02) до 20-ти февруари учесниците ќе се натпреваруваат во 15 различни дисциплини.

Со спектакуларен перформанс и огномет беше означен почетокот на Игрите. 

Годинава ќе има вкупно 2.871 спортисти што ќе се натпреваруваат за олимписките медали, а од Македонија во Пекинг отпатуваа тројца претставници.

На годинешната парада на нациите што се одржа според кинеските знаци, први како нација излегоа Грците, Дардан Дехари го носеше македонското знаме, a ќе учествуваат и крос-кантри скијачот Ставре Јада и скијачката Ана Цветановска.

Пред почетокот на Олимписките игри во Пекинг во средата светот можеше да го проследи првото подводно пренесување на олимпискиот пламен што беше направено со помош на два роботи, а патувањето на пламенот во водите на реката Јондинг траеше околу 8 минути.

Погледнете го видеото од пренесувањето на олимпискиот пламен:

Она што е особено карактеристично за годинешните Зимски Олимписки игри е дека ќе се одржуваат целосно на лажен снег.

Британската сноубордерка Кати Ормерод претходно на социјалните мрежи сподели видео на кое може да се види како изгледаат патеките во Пекинг покриени со лажен снег:

Seeing athletes sharing their experience at Beijing Olympic village on TikTok and reading tweets from Western reporters about the same you'll get two different Beijing Olympics. #DailyConfusion#ParallelUniverse #Beijing2022 #BeijingWinterOlympics pic.twitter.com/FVQJtXgxiK

— elbarri314 (@elbarri13314) February 2, 2022

Следете го преносот во живо од отворањето:

Б. С. Б. | Црнобело