По скандалот за допинг на Олимписки Игри, 15-годишната Русинка доби дозвола да продолжи да се натпреварува

Светот со нетрпение го очекува настапот на 15-годишната Камила Валиева, откако Судот за спортска арбитража ја прекина суспензијата поради допинг. Камила ќе настапи во вторник, а за скандалот ќе бидат испрашувани сите членови на нејзиниот тим.

po-skandalite-za-doping-15-godishnata-kamila-valieva-kje-gi-prodolzhi-natprevarite-vo-peking-01.jpg

Нов пресврт во приказната на 15-годишната руска лизгачка Камила Валиева, која го освои светот откако на Олимписките Игри во Пекинг успеа да изведе невозможен четирискок двапати.

Камила Валиева од Русија ѝ обезбеди златен медал на руската репрезентација во уметничко лизгање на Олимписките игри, откако двапати изведе четирискок.

15-годишното девојче е првата лизгачка во историјата што успеала во овој подвиг, но нејзината победа беше доведена во прашање откако кај неа било забележано присуство на лек кој е забранет за спортисти.

На 8-ми февруари Валиева беше суспендирана откако во примерок од урина за време на Рускиот Шампионат во декември 2021-ва кај неа било најдено присуство на лекот триметазидин.

po-skandalite-za-doping-15-godishnata-kamila-valieva-kje-gi-prodolzhi-natprevarite-vo-peking-04.jpeg

Според најновите информации, Судот за спортска арбитража одлучил да ја прекине суспензијата на младата лизгачка и да ѝ овозможи да го продолжи натпреварувањето во Пекинг.

По ова, Валиева ќе се појави на Олимпијадата и во вторник каде ќе се натпреварува во категоријата жени, а веќе важи за фаворит и во оваа категорија. Според најавите таа има намера да направи трискок и тројно завртување.

po-skandalite-za-doping-15-godishnata-kamila-valieva-kje-gi-prodolzhi-natprevarite-vo-peking-02.jpg

Со оглед на тоа што е малолетна, поради проблемот со допингот ќе бидат испитувани и останатите членови на нејзиниот тим, а поради скандалот се одложува и церемонијата за доделување на олимписките медали, каде САД го освои сребрениот, а Јапонија златниот медал.

Според одлуката на Меѓународниот Олимписки комитет (I.O.C) доколку Камила во идните натпреварувања победи таа нема да добие олимписки медал сѐ додека во целост не се заврши скандалот околу допингот и истиот не добие правна разрешница.

Прочитајте и 15-годишно девојче испиша историја на Олимписките игри со „невозможен“ скок - Која е Камила Валиева?

Б. С. Б. | Црнобело

Би можело да ве интересира:

Најсекси фудбалска судијка во светот, магична свадба на Санторини со 20 години постариот сопруг – Ко... Во 2020-та година направи свадба со својот сопруг Даниел Стефански на Санторини,...
Нов златен медал за Македонија: Параолимпијката Оливера Наковска Бикова е светски првак во стрелаштв... Параолимпијката Оливера Наковска Бикова ѝ донесе нов златен медал на Македонија&...
Наша гордост! Миа Тодорова (18) од Скопје освои злато на Балканското првенство во кикбокс „Чест и задоволство ми е да ги бранам боите на Македонија и да ја претставувам с...

Најчитани неделава

sonovnik-sidebar.jpg