„Си објавувам фотографии како ја дојам ќерката - ме oбвинуваат дека сексуално ги возбудувам мажите“

Детали

четврток, 20 април 2023

„Дали на жена која си го храни детето со шишенце, ќе ѝ кажете да го покрие шишенцето? Не знам зошто луѓето мислат дека ова го правам за внимание и за да поттикнам сексуална страст, јас правам нешто сосема природно...“

Шанаја О’Нил од Велика Британија е мајка на 2-годишно девојче и на социјалните мрежи постојано објавува фотографии како ја дои својата малечка.

Таа вели дека ја дои ќерката Изабела каде и да треба, без разлика дали станува збор за супермаркет, автобус, ресторан или продавница и воопшто не се покрива со нешто.

Но, нејзините фотографии и видеа од доење наидуваат на критики на социјалните мрежи. Нејзините следбеници велат дека им е непријатно од фотографиите, со кои кај мажите дури буди сексуална желба.

На ова Шанаја вели:

„Нивните коментари ми се ирелеватни, дали на жена која си го храни детето со шишенце, ќе ѝ кажете да го покрие шишенцето?

Не знам зошто луѓето мислат дека ова го правам за внимание и за да поттикнам сексуална страст, јас правам нешто сосема природно, кое се сметало за сосема нормално уште многу, многу одамна“.

Шанаја вели дека и понатаму ќе продолжи да ги споделува своите искуства со доење онлајн.

С. С. | Црнобело