Не зборува со Сури и не ја покани Никол Кидман на свадба – Синот на Том Круз живее повлечен живот во скиентолошката заедница

Пред неколку години Конор пушташе музика во клубовите низ САД и работеше како диџеј, под името DJ C-Squared.

Тој проба да стане и актер, но се откажа од идејата, бидејќи, наводно, немал талент за глума. Се појави во два филма „Seven Pounds“ (2008) и во римејкот на „Red Dawn“ (2012).

Од 2019 година тој е во брак со Италијанката, Силвија Занки, која ја запознал во скиентолошката црква. Тие се венчаа тајно, а Конор не ја покани Никол на свадбата.

„Конор и Силвија живеат едноставен и мирен живот во Клиарвотер. Имаат свој дом во скиентолошката заедница и среќни се“ - рекол негов пријател за магазинот People пред неколку години.

Конор обожава да лови риби, а специјалност му е риболов во длабоко море, па најчесто оди во риболов на сабјарки и туни.

Во 2021 година отвори профил на Инстаграм со совети за правење скара и тогаш објави дека сака да стане инфлуенсер кој ќе споделува рецепти за на скара. Неговиот профил го следат 5.300 луѓе.

Во февруари 2023 Конор се појави на ревијата на Diesel во Милано – ова беше едно од неговите ретки појавувања во јавноста.

А. Ј. | Црнобело