Џорџ со исплазен јазик не крие дека му е здодевно, Кети Пери не може да си го најде столчето: Детали од крунисувањето на Чарлс Трети

Детали

сабота, 06 мај 2023

Иако беше испланирано до последниот детаљ, крунисувањето на Чарлс Трети за крал не помина толку мазно. Хари со погледот го бараше Вилијам, принцот Џорџ се досадуваше, а Кети Пери стана хит на Твитер откако како изгубена се вртеше низ Вестминстерската опатија и си го бараше местото за седење...

Крунисувањето на кралот Чарлс Трети и кралицата Камила го привлече светското внимание, па освен Британците, преносот го гледаа и неколку милиони луѓе ширум светот...

И додека гледачите уживаа во детално испланираната церемонија, светските фотографи кои го следеа настанот забележаа и моменти што не ги снимија камерите.

Во продолжение некои од моментите кои го привлекоа најголемото внимание на кралското крунисување:

Кралот Чарлс Трети и неговата сопруга Камила пристигнаа во кочија што беше направена во 2012 година за кралицата Елизабета која во тоа време го славеше јубилејот - 60 години на британскиот трон.

Оскаровката Ема Томпсон беше меѓу првите ѕвезди што пристигнаа во Вестминстерската опатија и цело време им правеше гримаси на новинарите и присутните.

Шпанската Кралица Летиција воодушеви со стилот, па камерите долго време го следеа нејзиното влегување во катедралата, занемарувајќи ги другите гости.

Кети Пери стана хит на Твитер откако почна да се споделува видео на кое таа збунета си го бара столчето на кое треба да седне. Видеото има преку 1.9 милиони прегледи.

Продолжува на следната страница...