„Постојано патуваме, ми купува многу работи“: Сопруга на милионер од Дубаи се жали за нејзините маки
- Детали
- петок, 02 јуни 2023
Според Линда Андраде (23) која е во брак со милионер од Дубаи, воопшто не било лесно ако сопругот постојано ви купува подароци и често ве носи на патувања. Очекувано, младата девојка се соочи со критики и низа саркастични коментари за нејзините „проблеми“.
Линда Андраде која себеси се нарекува „оригиналната домаќинка од Дубаи“ има 23 години и е во брак со милионер од Дубаи.
Таа потекнува од Јордан, а на 19-годишна возраст се венчала со сопругот Рики и оттогаш живее во луксуз.
Линда има над половина милион следбеници на ТикТок каде што редовно се фали со раскошот во којшто живее.
Но, со неодамнешно видео младата девојка ги разгневи следбениците бидејќи се жали за нејзиниот луксузен живот.
Односно, Линда споделува која е лошата страна на бракот со милионер, а многумина сметаат дека таа нема допир со реалноста штом тоа се нејзините најголеми проблеми.
Линда вели дека првото нешто е тоа што ѝ е страв дека ќе биде ограбена, а во видеото покажува дизајнерска чанта и златен накит.
Следниот „проблем“ на Линда е тоа што секогаш морала да изгледа беспрекорно. Овојпат, таа покажа снимка од фризер, но и од продавница на Victoria’s Secret.
Следно, Линда се пожали дека имала преголем избор на храна и била неодлучна што да јаде.
Друг проблем на Линда бил тоа што други жени го посакувале нејзиниот богат сопруг.
Потоа, девојката се жали дека сопругот ѝ купувал премногу работи, а притоа покажа дел од нејзиниот огромен гардеробер.
За Линда било многу проблематично и тоа што постојано патувале, па била преморена.
Не ѝ се допаѓало ни тоа што секој оброк во ресторан бил сервиран како некое шоу.
Линда се поажли и дека сопругот никогаш не ѝ дозволувал да вози.
@lionlindaa Im posting the *good things* next 🖤✨ #millionaire #wife #dubai #rich
♬ Habibi (Albanian Remix) - Ricky Rich & Dardan
Веројатно претпоставувате што ѝ пишуваат корисниците во коментари. Дел ја критикуваат, а дел се саркастични:
„Јас можам да го издржам сето тоа. Ако некој може да ме запознае со милионер кој сака сопруга, ќе бидам многу среќна“.
„Леле, многу ми е жал за тебе“.
„Колку стресно, јас ќе те заменам“.
„Јас сум доволно храбра да се справам со сите овие проблеми“.
„Јас не се плашам дека ќе ме ограбат. Јас се плашам дека ќе немам пари да си ги платам сметките“.
Повеќе фотки од Линда на следната страница...
Би можело да ве интересира:
Препорачуваме
Најчитани неделава
