Ја обвинија дека си ги убила децата, помина 20 години во затвор – Која е Кетлин Фолбиг која била неправедно осудена?

Детали

понеделник, 05 јуни 2023

20 години се веруваше дека таа во сон ги задушувала своите деца, затоа што не можела да го поднесе нивниот плач. Кетлин Фолбиг долго време беше нарекувана „најлошиот сериски убиец во Австралија“, а сега е помилувана. Што знаеме за Австралијката која неправедно беше обвинета за смртта на своите четири деца?

Светските медиуми ја пренесуваат веста за ослободувањето на австралијката Кетлин Фолбиг (55) која последните 20 години ги помина во затвор, откако беше обвинета дека ги убила своите четири деца, на возраст од 19 дена до 19 месеци.

Кетлин најчесто ја нарекуваа „најлошиот сериски убиец во Австралија“, а откако биле добиени нови докази, судот конечно ја ослободи затоа што конечно било докажано дека мајката не ги убила своите четири деца и дека поминала две децении во затвор по грешка.

Нејзиниот случај се наведува како една од најголемите неправди во австралискиот правен систем, а се тврди дека во периодот од 1989-та до 1999-та година таа ги усмртила со задушување своите четири деца, на возраст од 19 дена до 19 месеци.

Кетлин со години наназад се обидувала да ја докаже својата невиност, но судот секогаш ѝ ги отфрлал барањата со тврдење дека нема доволно докази што докажуваат дека таа не ги извршила убиствата.

Која е Кетлин Фолбиг и како беше обвинета за убиствата на своите четири деца?

Кетлин Фолбиг е родена во 1967-ма година, а беше обвинета дека ги убила своите деца Патрик Ален (8 месеци), Сара Кетлин (10 месеци), Лара Елизабет (19 месеци) и Кејлеб Гибсон (19 дена). Убиствата се случиле во периодот од 1989 до 1999-та година.

Кога Кетлин имала само 4 години, нејзиниот татко ја убил мајка ѝ, така што ја прободел со нож 24 пати. Таткото бил уапсен следниот ден по убиството, по што Кетлин била пратена во згрижувачко семејство.

Додека растела, Кетлин неколкупати менувала згрижувачки семејства, а било утврдено дека наместо да добие љубов, таа во семејствата била третирана како роб и не ѝ било дозволувано да се дружи и да има пријатели.

Во 1985-та година, откако го завршила средното образование, Кетлин побегнала од последното згрижувачко семејство, по што го запознала Крег Гибсон Фолбиг со кого се омажила во 1987-ма година.

Само 2 години подоцна, тие го добиле првото дете, кое починало на возраст од 8 месеци. Наводно бебето плачело толку многу, а таа го држела цврсто пришто ненамерно го задушила.

Второто дете починало набрзо откако сопругот Крег ја нашол Кетлин како вреска над креветчето. Бебето не дишело, па Крег се обидел да го оживее со вештачко дишење, а во болница подоцна било откриено дека бебето страдало од епилепсија и слепило.

По смртта на третото и четвртото дете, Крег го нашол дневникот на Кетлин и веднаш ја пријавил во полиција.

Продолжува на следната страница...